റിപ്പോർട്ട്: അൻവർ ഷരിഫ്
കോഴിക്കോട്: മാവൂർ ചെറൂപ്പ ഇടിക്കോട്ട് അയ്യപ്പ ക്ഷേത്രത്തിൽ കഴിഞ്ഞ ദിവസം മോഷണം നടത്തിയ കേസിലെ പ്രതി പൂവ്വാട്ടുപറമ്പ് മുണ്ടക്കൽ നടുക്കണ്ടിപ്പുറായിൽ വീട്ടിൽ റിയാസ് (41) മാവൂർ പൊലീസിന്റെ പിടിയിലായി ( Mavoor Temple Theft Case). വിവിധ ജില്ലകളിലെയും സ്റ്റേഷനുകളിലെയും നിരവധി ക്ഷേത്രങ്ങളിൽ സമാനമായ രീതിയിൽ മോഷണം നടത്തിയ കേസുകളിൽ പ്രതിയായ ഇയാൾ ഒരു കുപ്രസിദ്ധ അമ്പലക്കള്ളനാണ്. കഴിഞ്ഞ ദിവസം ചെറൂപ്പ ക്ഷേത്രത്തിൽ നടന്ന മോഷണത്തിന് പിന്നാലെ പോലീസ് നടത്തിയ അന്വേഷണത്തിനൊടുവിലാണ് പ്രതിയെ വലയിലാക്കാൻ സാധിച്ചത്.
മാവൂർ ഇൻസ്പെക്ടർ മുഹമ്മദ് റഫീഖ്, എസ്.ഐ.മാരായ രമേശ് വി.എം., ശിവാനന്ദൻ, സീനിയർ സി.പി.ഒ.മാരായ പ്രമോദ്, രജീഷ്, കൃഷ്ണൻകുട്ടി, സി.പി.ഒ.മാരായ ദീപക്, വിനീത് എന്നിവരടങ്ങിയ പ്രത്യേക അന്വേഷണസംഘമാണ് പ്രതിയെ പിടികൂടിയത്. അറസ്റ്റിലായ പ്രതിയെ വിശദമായി ചോദ്യം ചെയ്തുവരികയാണെന്നും മേഖലയിൽ സമീപകാലത്തുണ്ടായ മറ്റ് മോഷണങ്ങളിൽ ഇയാൾക്ക് പങ്കുണ്ടോ എന്ന് അന്വേഷിക്കുമെന്നും പോലീസ് അറിയിച്ചു. പ്രതിയെ ഉടൻ തന്നെ കോടതിയിൽ ഹാജരാക്കി റിമാൻഡ് ചെയ്യും.
Summary: A notorious temple thief identified as Riyas (41) was arrested by the Mavoor police for a recent burglary at the Cheruppa Edikkott Ayyappa Temple. The accused is reportedly involved in numerous temple theft cases registered across various police stations. A special investigation team led by Mavoor Inspector Mohammed Rafeeq apprehended the culprit, who will be produced before the court shortly.
