തിയേറ്ററുകളിൽ വൻ ബ്ലോക്ക്ബസ്റ്റർ വിജയം കൈവരിച്ച ‘മോഹിനിയാട്ടം’ എന്ന ചിത്രത്തിന് ശേഷം പ്രശസ്ത നടൻ സൈജു കുറുപ്പ് നായകനാകുന്ന ഏറ്റവും പുതിയ ബിഗ് ബഡ്ജറ്റ് ചിത്രത്തിന്റെ ടൈറ്റിൽ അണിയറപ്രവർത്തകർ ഔദ്യോഗികമായി പുറത്തുവിട്ടു (Saiju Kurup next movie Harivarasanam). “ഹരിവരാസനം” എന്നാണ് ഈ ചിത്രത്തിന് പേരിട്ടിരിക്കുന്നത്. മലയാളികൾക്ക് മികച്ച സിനിമകൾ സമ്മാനിച്ചിട്ടുള്ള പ്രമുഖ നിർമ്മാണ കമ്പനിയായ അജിത് വിനായക ഫിലിംസിന്റെ ബാനറിൽ വിനായക അജിത് ആണ് ഈ ബിഗ് ബഡ്ജറ്റ് ചിത്രം നിർമ്മിക്കുന്നത്.
‘സാൾട്ട് മാംഗോ ട്രീ’, ‘തൃശൂർ പൂരം’ എന്നീ ശ്രദ്ധേയമായ ചിത്രങ്ങൾക്ക് ശേഷം രാജേഷ് നായർ സംവിധാനം ചെയ്യുന്ന ചിത്രം കൂടിയാണ് ഹരിവരാസനം. ഡോ. അമ്പാടി കെ. ആണ് ഈ ചിത്രത്തിന്റെ തിരക്കഥയും രചനയും നിർവ്വഹിക്കുന്നത്. സൈജു കുറുപ്പിനൊപ്പം തെന്നിന്ത്യയിലെ പ്രമുഖ താരങ്ങളും പ്രധാന വേഷങ്ങളിൽ അണിനിരക്കുന്ന ചിത്രത്തിന്റെ പ്രീ-പ്രൊഡക്ഷൻ ജോലികൾ ഇപ്പോൾ അവസാന ഘട്ടത്തിലാണ്.
ചിത്രത്തിന്റെ പ്രധാന ആകർഷണമായി മാറുന്നത് തിരുവനന്തപുരത്തെ ചിത്രാഞ്ജലി സ്റ്റുഡിയോയിൽ പുരോഗമിക്കുന്ന ശബരിമലയുടെ പടുകൂറ്റൻ സെറ്റാണ്. സെറ്റിന്റെ നിർമ്മാണ പ്രവർത്തനങ്ങൾ ഇപ്പോൾ ദ്രുതഗതിയിൽ നടക്കുകയാണ്. സൂപ്പർഹിറ്റ് ചിത്രം ‘മാളികപ്പുറ’ത്തിന് ശേഷം പ്രശസ്ത സംഗീത സംവിധായകൻ രഞ്ജിൻ രാജ് ആണ് ഈ ചിത്രത്തിനും ഈണമിടുന്നത്.
ആർ. ജയചന്ദ്രൻ പ്രോജക്റ്റ് ഡിസൈനറാകുന്ന ചിത്രത്തിന്റെ ഛായാഗ്രഹണം (DOP) സജാദ് കാക്കുവും എഡിറ്റിംഗ് അജീഷ് ഇടമണും നിർവ്വഹിക്കുന്നു. പ്രൊഡക്ഷൻ കൺട്രോളർ: ശശി പൊതുവാൾ, പ്രൊഡക്ഷൻ ഡിസൈനർ: രാഖിൽ, വസ്ത്രാലങ്കാരം: സ്റ്റെഫി സേവ്യർ, ചീഫ് അസ്സോസിയേറ്റ് ഡയറക്ടർ: പാർത്ഥൻ സി., മേക്കപ്പ്: ഹസ്സൻ വണ്ടൂർ, അസ്സോസിയേറ്റ് ഡയറക്റ്റർ: നിധീഷ്, സ്റ്റിൽസ്: ജെഫിൻ ബിജോയ്, ഡിസൈൻ: ഇല്ലുമിനാർട്ടിസ്റ്റ്, പി.ആർ.ഒ: പ്രതീഷ് ശേഖർ എന്നിവരാണ് മറ്റ് അണിയറപ്രവർത്തകർ. വരുന്ന ജൂലൈ മാസത്തിൽ ഹരിവരാസനത്തിന്റെ ചിത്രീകരണം തിരുവനന്തപുരത്ത് വെച്ച് ആരംഭിക്കും.
Story Summary: Following the blockbuster success of ‘Mohiniyattam’, Saiju Kurup is set to star in a big-budget movie titled ‘Harivarasanam’. Directed by Rajesh Nair and produced by Vinayaka Ajith under Ajith Vinayaka Films, the movie features a massive Sabarimala set at Chithranjali Studio with music by Ranjin Raj. Filming begins this July.
