കണ്ണൂർ: പോലീസ് സ്വീകരിച്ച നടപടികളിൽ പ്രതിഷേധിച്ച് കണ്ണൂർ എസ്.പി ഓഫീസിലേക്ക് എസ്.എഫ്.ഐ നടത്തിയ മാർച്ചിൽ വൻ സംഘർഷം. പോലീസ് തീർത്ത ശക്തമായ പ്രതിരോധം ഭേദിച്ച് ബാരിക്കേഡുകൾ തകർത്ത പ്രവർത്തകർ എസ്.പി ഓഫീസിലേക്ക് ഇരച്ചുകയറി.(Kannur SFI SP Office March Violence Police Commissioner Vehicle Damaged DIG Reached)
സംഘർഷത്തിനിടയിൽ പോലീസ് വാഹനത്തിന്റെ ചില്ലുകൾ തകർത്തു. എസ്.പി ഓഫീസിന് മുന്നിൽ സ്ഥാപിച്ചിരുന്ന ബാരിക്കേഡുകളും സമീപത്തുണ്ടായിരുന്ന മതിലിന്റെ ഒരു ഭാഗവും തകർത്താണ് പ്രകോപിതരായ പ്രവർത്തകർ അകത്തേക്ക് പ്രവേശിച്ചത്.
ഓഫീസ് പരിസരത്തേക്ക് ഇരച്ചുകയറിയ എസ്.എഫ്.ഐ പ്രവർത്തകരെ അറസ്റ്റ് ചെയ്ത് നീക്കാൻ പോലീസ് ശ്രമിച്ചെങ്കിലും ഇത് വലിയ തോതിലുള്ള ഉന്തും തള്ളും സംഘർഷവുമായി മാറി. സ്ഥിതിഗതികൾ നിയന്ത്രണവിധേയമാക്കാൻ ഡി.ഐ.ജി നേരിട്ട് സ്ഥലത്തെത്തിയിട്ടുണ്ട്. കൂടുതൽ പോലീസ് സന്നാഹത്തെ സ്ഥലത്ത് വിന്യസിച്ചിരിക്കുകയാണ്.
Story Summary
A protest march by SFI to the Kannur SP office turned violent as activists broke through police barricades and a wall to storm the premises. During the clash, the Kannur Police Commissioner’s vehicle was vandalized, leading to a major standoff between police and protesters. DIG reached the spot to control the situation.
