മുംബൈ: ‘ചന്ദ് മേരാ ദിൽ’ എന്ന പുതിയ ചിത്രത്തിലെ നടി അനന്യ പാണ്ഡെയുടെ ഭരതനാട്യം ഫ്യൂഷൻ പ്രകടനം സമൂഹമാധ്യമങ്ങളിൽ കടുത്ത പരിഹാസങ്ങൾക്കും വിമർശനങ്ങൾക്കും വഴിവെക്കുന്നു (Ananya Panday Bharatanatyam Backlash). ഭരതനാട്യത്തെ ഹിപ്-ഹോപ്പ്, ലോക്കിങ് നൃത്തരൂപങ്ങളുമായി സമന്വയിപ്പിച്ചുള്ള അനന്യയുടെ പ്രകടനം ശാസ്ത്രീയ നൃത്ത രൂപത്തെ വക്രീകരിക്കുന്നതാണെന്ന് ചൂണ്ടിക്കാട്ടി പ്രമുഖ ക്ലാസിക്കൽ നർത്തകർ തന്നെ രംഗത്തെത്തിയിട്ടുണ്ട്. അനന്യയുടെ നൃത്തച്ചുവടുകൾ ഭരതനാട്യത്തെ കടുത്ത തെറ്റിദ്ധാരണയോടെ സമീപിച്ചതുപോലെയാണ് തോന്നിയതെന്നും, പരമ്പരാഗത നൃത്തത്തിന്റെ നിയന്ത്രണവും ഭംഗിയും പൂർണ്ണമായി നഷ്ടപ്പെടുത്തിയ അത്യന്തം മോശം കൊറിയോഗ്രഫിയാണ് ഇതെന്നും പ്രശസ്ത നർത്തകി അനിത ആർ. രത്നം എക്സിലൂടെ കടുത്ത ഭാഷയിൽ വിമർശിച്ചു. നൂറ്റാണ്ടുകളുടെ പാരമ്പര്യമുള്ള ഒരു കലാരൂപത്തെ ഇത്തരത്തിൽ പരസ്യമായി വികൃതമാക്കാൻ കാണിച്ച ധൈര്യത്തെ മറ്റൊരു പ്രമുഖ നർത്തകിയായ കൃതിക ശിവസ്വാമിയും ചോദ്യം ചെയ്തു. സിനിമക്കാർക്ക് ക്ലാസിക്കൽ കലകളോടുള്ള അനാദരവാണ് ഇത് കാണിക്കുന്നതെന്നും ഇന്ത്യയിൽ ഇതിനെതിരെ നിയമനടപടി സ്വീകരിക്കാൻ വ്യവസ്ഥകളില്ലാത്തത് നിർഭാഗ്യകരമാണെന്നും അവർ കൂട്ടിച്ചേർത്തു.
Watching this clip felt like Bharatanatyam being held hostage by a catastrophic misunderstanding of the form.
Somewhere between the flailing arms and random camera moves, the dance quietly packed its bags and exited the building.
Bharatanatyam is built on technique, control,… https://t.co/Q8CUIdbdA9
— Anita R Ratnam (@aratnam) May 25, 2026
Watching this clip felt like Bharatanatyam being held hostage by a catastrophic misunderstanding of the form.
Somewhere between the flailing arms and random camera moves, the dance quietly packed its bags and exited the building.
Bharatanatyam is built on technique, control,… https://t.co/Q8CUIdbdA9
— Anita R Ratnam (@aratnam) May 25, 2026
എന്നാൽ സോഷ്യൽ മീഡിയയിൽ കടുത്ത വിമർശനം ഉയരുമ്പോഴും, അണിയറപ്രവർത്തകർ നടിയെ പിന്തുണച്ച് രംഗത്തെത്തിയിട്ടുണ്ട്. ചിത്രത്തിന്റെ അസിസ്റ്റന്റ് കൊറിയോഗ്രഫറായ അനന്യ ആർ. കുറുപ്പ്, നടിക്ക് ഭരതനാട്യം പഠിപ്പിച്ചു നൽകിയ പരിശീലനത്തിന്റെ ചിത്രങ്ങൾ പങ്കുവെച്ചുകൊണ്ട് അനന്യയുടെ പ്രകടനത്തെ പ്രശംസിച്ചു. അനന്യ പാണ്ഡെ ഏറെ സമർപ്പണത്തോടെയാണ് നൃത്തം പഠിച്ചതെന്നും ചിത്രത്തിൽ അവർ മികച്ച രീതിയിലാണ് അത് അവതരിപ്പിച്ചതെന്നും കൊറിയോഗ്രഫർ വ്യക്തമാക്കി. വിവേക് സോണി, തുഷാർ പരാഞ്ജപെ എന്നിവർ ചേർന്ന് കഥയെഴുതി വിവേക് സോണി സംവിധാനം ചെയ്യുന്ന ‘ചന്ദ് മേരാ ദിൽ’ എന്ന ചിത്രത്തിലൂടെ അനന്യ പാണ്ഡെയും ലക്ഷ്യയും ആദ്യമായാണ് ഒന്നിച്ചഭിനയിക്കുന്നത്. സച്ചിൻ-ജിഗർ സംഗീതവും ഡെബോജീത് റേ ഛായാഗ്രഹണവും നിർവ്വഹിക്കുന്ന ചിത്രത്തിലെ ഈ നൃത്തരംഗം വലിയ രീതിയിലുള്ള ഓൺലൈൻ പ്രതിഷേധങ്ങൾക്കും ട്രോളുകൾക്കുമാണ് ഇപ്പോൾ ഇരയായിക്കൊണ്ടിരിക്കുന്നത്.
Summary: Bollywood actress Ananya Panday’s Bharatanatyam fusion performance in her upcoming movie “Chand Mera Dil” has faced severe backlash from classical dancers. Acclaimed dancer Anita R Ratnam heavily criticized the choreography on social media, stating it lacked technique and insulted the sacred art form. While fellow artists called out the film industry’s insensitivity toward classical arts, the assistant choreographer defended Ananya, praising her dedication during training sessions
