കൊച്ചി: താൻ രാജാവും മറ്റുള്ളവർ പ്രജകളുമാണെന്ന ചിന്താഗതിയുള്ളവർ മുഖ്യമന്ത്രി സ്ഥാനത്ത് എത്തിയാൽ ജനാധിപത്യം പരാജയപ്പെടുമെന്ന് പ്രശസ്ത ഗാനരചയിതാവും സംവിധായകനുമായ ശ്രീകുമാരൻ തമ്പി ( Sreekumaran Thampi Criticism Against NSS). ജനങ്ങളില്ലെങ്കിൽ ഒരു നേതാവോ മന്ത്രിയോ ഇല്ലെന്നും ഒരു ഭരണാധികാരിയും രാജാവല്ലെന്ന സത്യം തിരിച്ചറിയണമെന്നും അദ്ദേഹം ഓർമ്മിപ്പിച്ചു. പറവൂരിൽ മുഖ്യമന്ത്രി വി. ഡി. സതീശന് നൽകിയ സ്വീകരണ സമ്മേളനത്തിൽ സംസാരിക്കുകയായിരുന്നു അദ്ദേഹം. വി. ഡി. സതീശൻ അത്തരം ഒരു നേതാവല്ലെന്ന് പൂർണ്ണ ബോധ്യമുള്ളതുകൊണ്ടാണ് താൻ ഈ ചടങ്ങിൽ പങ്കെടുത്തതെന്നും സതീശന്റെ ജനപ്രീതി അദ്ദേഹത്തിന്റെ പെരുമാറ്റവും ഇടപെടലുകളും കൊണ്ട് നേടിയതാണെന്നും ശ്രീകുമാരൻ തമ്പി കൂട്ടിച്ചേർത്തു. കർമ്മപഥത്തിൽ യാതൊരു പതർച്ചയുമില്ലാതെ മുന്നേറുന്ന വി. ഡി. സതീശനെക്കുറിച്ച് തനിക്ക് വലിയ പ്രതീക്ഷകളുണ്ടെന്നും അദ്ദേഹം വിജയശ്രീലാളിതനാകട്ടെയെന്നും ശ്രീകുമാരൻ തമ്പി ആശംസിച്ചു.
ചടങ്ങിൽ എൻ.എസ്.എസിനെതിരെയും ശ്രീകുമാരൻ തമ്പി കടുത്ത ഭാഷയിൽ വിമർശനം ഉന്നയിച്ചു. നായർ ഭൃത്യ ജനസംഘം എന്ന പേരിൽ മന്നത്ത് പത്മനാഭൻ രൂപീകരിച്ച സംഘടന പിന്നീട് നായർ സർവീസ് സൊസൈറ്റിയായി മാറിയത് വർഗ്ഗീയതയുടെ ചിഹ്നമായിട്ടല്ലെന്ന് അദ്ദേഹം ഓർമ്മിപ്പിച്ചു. എന്നാൽ നിലവിൽ എൻ.എസ്.എസിന്റെ ഉന്നത കസേരയിൽ ഇരിക്കുന്ന വ്യക്തി സമുദായത്തിന്റെ ഭൃത്യനായിട്ടാണോ അതോ രാജാവായിട്ടാണോ പെരുമാറുന്നതെന്ന് അദ്ദേഹം ചോദിച്ചു.
ചടങ്ങിൽ പങ്കെടുത്ത പ്രശസ്ത നടൻ മോഹൻലാലും വി. ഡി. സതീശനെ പ്രശംസിച്ചു. സത്യസന്ധതയും സുതാര്യതയും ഒത്തിണങ്ങിയ വി. ഡി. സതീശനെ മുഖ്യമന്ത്രിയാക്കാൻ നാടൊന്നാകെ മുറവിളി കൂട്ടിയെന്നും കേരളത്തിന് അദ്ദേഹത്തിൽ വലിയ പ്രതീക്ഷയുണ്ടെന്നും മോഹൻലാൽ പറഞ്ഞു. സിംഗപ്പൂരിന്റെ ശില്പി ലീ കുവാൻ യുവിനെപ്പോലെ കേരളത്തിൽ വലിയ മാറ്റങ്ങൾ കൊണ്ടുവരാൻ അദ്ദേഹത്തിന് സാധിക്കട്ടെയെന്ന് ആശംസിച്ച മോഹൻലാൽ, റോഡുകളുടെ മോശം അവസ്ഥ പരിഹരിക്കണമെന്നും ലഹരിക്കെതിരെയും മാലിന്യപ്രശ്നങ്ങൾക്കെതിരെയും കർശന നടപടികൾ സ്വീകരിക്കണമെന്നും മുഖ്യമന്ത്രിയോട് വേദിയിൽ വെച്ച് ആവശ്യപ്പെട്ടു.
Summary: Renowned lyricist and director Sreekumaran Thampi stated that democracy fails when leaders assume the mindset of a king ruling over subjects, while praising Chief Minister V. D. Satheesan for his കുടുംബ-oriented public appeal. Speaking at a reception in Paravoor, Thampi also sharply criticized the NSS leadership, questioning whether the top official behaves as a servant of the community or as a monarch. Actor Mohanlal, who also attended the event, called Satheesan a transparent leader chosen by the people’s mandate and urged him to urgently address Kerala’s issues regarding roads, waste management, and drug abuse.
