കൊൽക്കത്ത: പശ്ചിമ ബംഗാളിൽ നിയമവിരുദ്ധമായി താമസിക്കുന്ന വിദേശികളെയും തടവുശിക്ഷ പൂർത്തിയാക്കി നാടുകടത്തൽ കാത്തുനിൽക്കുന്നവരെയും പാർപ്പിക്കുന്നതിനായി എല്ലാ ജില്ലകളിലും ‘ഹോൾഡിംഗ് സെന്ററുകൾ’ സ്ഥാപിക്കാൻ മുഖ്യമന്ത്രി സുവേന്ദു അധികാരി ഉത്തരവിട്ടു (Bangladeshi Immigrants Deportation West Bengal). കേന്ദ്ര ആഭ്യന്തര മന്ത്രാലയത്തിന്റെ കർശനമായ മാനദണ്ഡങ്ങൾ പാലിച്ചുകൊണ്ട് ഇത്തരം കേന്ദ്രങ്ങൾ അടിയന്തരമായി ഒരുക്കാൻ സംസ്ഥാന ആഭ്യന്തര വകുപ്പ് ജില്ലാ മജിസ്ട്രേറ്റുമാർക്ക് നിർദ്ദേശം നൽകിയിട്ടുണ്ട്. ബംഗാളിലെ പുതിയ ബി.ജെ.പി സർക്കാർ അനധികൃത ബംഗ്ലാദേശി കുടിയേറ്റക്കാർക്കെതിരെ വിട്ടുവീഴ്ചയില്ലാത്ത സമീപനമാണ് സ്വീകരിക്കുന്നത്. ‘കണ്ടെത്തുക, ഒഴിവാക്കുക, നാടുകടത്തുക’ എന്ന പ്രഖ്യാപിത നയത്തിന്റെ ഭാഗമായാണ് പുതിയ നീക്കങ്ങൾ. എന്നാൽ പൗരത്വ ഭേദഗതി നിയമപ്രകാരം (CAA) ഇന്ത്യൻ പൗരത്വത്തിന് അർഹതയുള്ള ഹിന്ദു അഭയാർത്ഥികൾ ഉൾപ്പെടെയുള്ള ന്യൂനപക്ഷ വിഭാഗങ്ങളെ ഈ കർശന നടപടികളിൽ നിന്നും പൂർണ്ണമായി ഒഴിവാക്കിയിട്ടുണ്ട്.
അനധികൃതമായി അതിർത്തി കടന്നെത്തുന്ന ബംഗ്ലാദേശി കുടിയേറ്റക്കാരെ പിടികൂടിയാൽ സാധാരണയായി സ്വീകരിക്കുന്ന നീണ്ട കോടതി നടപടികൾക്ക് പകരം, അവർക്ക് ഭക്ഷണവും മറ്റ് പ്രാഥമിക സൗകര്യങ്ങളും നൽകി നേരിട്ട് അതിർത്തി രക്ഷാസേനയ്ക്ക് \കൈമാറാൻ മുഖ്യമന്ത്രി പൊലീസിനും റെയിൽവേ പ്രൊട്ടക്ഷൻ ഫോഴ്സിനും കർശന നിർദ്ദേശം നൽകി. ഇതിന്റെ ഭാഗമായി ഇന്ത്യ-ബംഗ്ലാദേശ് അതിർത്തിയിൽ അവശേഷിക്കുന്ന 27 കിലോമീറ്റർ ഭാഗത്ത് കമ്പിവേലി നിർമ്മിക്കുന്നതിനായി 75 ഏക്കർ ഭൂമി സംസ്ഥാന സർക്കാർ അടുത്തിടെ ബി.എസ്.എഫിന് കൈമാറിയിരുന്നു. അതിർത്തി സുരക്ഷ ശക്തമാക്കുന്നതിനൊപ്പം പ്രാദേശികമായ പരിശോധനകളും കർശനമാക്കുകയാണ് സർക്കാർ ലക്ഷ്യം. അനധികൃത കുടിയേറ്റം തടയുന്നതിനായി എല്ലാ പൊലീസ് സ്റ്റേഷനുകളും ബി.എസ്.എഫുമായി ചേർന്ന് സംയുക്തമായി പ്രവർത്തിക്കണമെന്നും പിടികൂടുന്നവരുടെ കൃത്യമായ പ്രതിവാര റിപ്പോർട്ട് മുഖ്യമന്ത്രിയുടെ ഓഫീസിന് (CMO) കൈമാറണമെന്നും സുവേന്ദു അധികാരി നിർദ്ദേശിച്ചിട്ടുണ്ട്.
Summary: West Bengal Chief Minister Suvendu Adhikari has directed the establishment of ‘holding centers’ in all districts to detain illegal foreigners and individuals awaiting deportation. The newly formed BJP government is adopting a strict “detect, delete, and deport” policy specifically targeting illegal Bangladeshi immigrants, while exempting Hindu refugees eligible under the CAA. Additionally, local police and the RPF have been instructed to bypass lengthy court procedures and hand over apprehended illegal border-crossers directly to the BSF after providing basic amenities.
