ഗ്ലാസ്ഗോ: വരാനിരിക്കുന്ന ഗ്ലാസ്ഗോ കോമൺവെൽത്ത് ഗെയിംസ് തുടക്കത്തിന് തൊട്ടുമുമ്പ് ഇന്ത്യൻ കായികലോകത്തിന് വൻ തിരിച്ചടി. ഇന്ത്യയുടെ പ്രമുഖ ജൂഡോ താരവും മെഡൽ പ്രതീക്ഷയുമായിരുന്ന തൂലിക മന്നിനെ (Tulika maan suspended nadan) ഉത്തേജക മരുന്ന് വിരുദ്ധ ചട്ടം ലംഘിച്ചതിന്റെ പേരിൽ സസ്പെൻഡ് ചെയ്തു. ഇതോടെ താരത്തിന് ഗെയിംസിൽ മത്സരിക്കാനാകില്ലെന്ന് ഉറപ്പായി.
കഴിഞ്ഞ 12 മാസത്തിനിടെ മൂന്ന് തവണ ഡോപ്പിങ് പരിശോധനയിൽ പരാജയപ്പെടുകയോ പരിശോധനയ്ക്ക് ഹാജരാകാതിരിക്കുകയോ ചെയ്തതിനെ തുടർന്ന് (Whereabouts failure/Anti-Doping Violation) ദേശീയ ഉത്തേജക വിരുദ്ധ ഏജൻസിയായ നാഡ (NADA) തൂലികയ്ക്ക് വിലക്കേർപ്പെടുത്തുകയായിരുന്നു.
2022-ലെ ബർമിംഗ്ഹാം കോമൺവെൽത്ത് ഗെയിംസിൽ വനിതകളുടെ +78 കിലോഗ്രാം വിഭാഗത്തിൽ വെള്ളി മെഡൽ നേടി ഇന്ത്യയുടെ അഭിമാനമായി മാറിയ താരമാണ് തൂലിക മൻ. ഇത്തവണ ഗ്ലാസ്ഗോയിൽ ഇന്ത്യ സ്വർണ്ണ മെഡൽ ഉറപ്പിച്ചിരുന്ന കായികതാരങ്ങളിൽ പ്രമുഖയായിരുന്നു ഇവർ.
ഇന്നലെ മറ്റൊരു ഇന്ത്യൻ ജൂഡോ താരമായ അരുൺ കുമാറിനെയും ഉത്തേജക പരിശോധനയിൽ പരാജയപ്പെട്ടതിനെ തുടർന്ന് കോമൺവെൽത്ത് ഗെയിംസ് ടീമിൽ നിന്ന് പുറത്താക്കിയിരുന്നു. 73 കിലോഗ്രാം വിഭാഗത്തിൽ മത്സരിക്കാനിരുന്ന അരുണിനും നാഡ വിലക്കേർപ്പെടുത്തിയിട്ടുണ്ട്.
ജൂലൈ 27-ന് ഇന്ത്യൻ സംഘം മത്സരങ്ങൾക്കായി പുറപ്പെടാനിരിക്കെ, രണ്ട് മുൻനിര ജൂഡോ താരങ്ങൾ ഒരുമിച്ച് ഉത്തേജക വിരുദ്ധ വിലക്കിൽ പുറത്താകുന്നത് ഇന്ത്യൻ ടീമിന് വലിയ തിരിച്ചടിയാണ് സമ്മാനിച്ചിരിക്കുന്നത്.
Story Summary: Indian judoka Tulika Maan, a silver medalist at the 2022 Commonwealth Games, has been suspended by NADA over anti-doping rule violations, effectively ruling her out of the Glasgow Commonwealth Games. This follows the recent suspension of fellow judoka Arun Kumar.
