ന്യൂഡൽഹി: പ്രധാനമന്ത്രി നരേന്ദ്ര മോദിയും ഇന്ത്യ സന്ദർശിക്കുന്ന സൈപ്രസ് പ്രസിഡന്റ് നിക്കോസ് ക്രിസ്റ്റോഡൗലിഡസും തമ്മിൽ ന്യൂഡൽഹിയിലെ ഹൈദരാബാദ് ഹൗസിൽ നിർണായക ഉഭയകക്ഷി ചർച്ച നടത്തി (PM Modi Cyprus President Bilateral Meeting). വിദേശകാര്യ മന്ത്രി എസ്. ജയശങ്കർ, ദേശീയ സുരക്ഷാ ഉപദേഷ്ടാവ് അജിത് ഡോവൽ, വിദേശകാര്യ സെക്രട്ടറി വിക്രം മിസ്രി എന്നിവരും വെള്ളിയാഴ്ച നടന്ന ഈ ഉന്നതതല യോഗത്തിൽ പങ്കെടുത്തു. നാല് ദിവസത്തെ ഔദ്യോഗിക സന്ദർശനത്തിനായി ബുധനാഴ്ച മുംബൈയിലെത്തിയ സൈപ്രസ് പ്രസിഡന്റ്, വ്യാഴാഴ്ച രാത്രിയോടെയാണ് തലസ്ഥാനത്ത് എത്തിയത്.
2025 ജൂണിൽ പ്രധാനമന്ത്രി നരേന്ദ്ര മോദി സൈപ്രസിൽ നടത്തിയ ചരിത്ര സന്ദർശനത്തിന്റെ തുടർച്ചയായാണ് ഈ കൂടിക്കാഴ്ചയെ ഇരുരാജ്യങ്ങളും കാണുന്നത്. ഇരുരാജ്യങ്ങളും തമ്മിലുള്ള വാണിജ്യ-നിക്ഷേപ ബന്ധങ്ങൾ ശക്തിപ്പെടുത്തുന്നതിനൊപ്പം ഇന്ത്യ-യൂറോപ്യൻ യൂണിയൻ സഹകരണം വിപുലമാക്കാനും ചർച്ചയിൽ തീരുമാനമായി. നിലവിൽ യൂറോപ്യൻ യൂണിയൻ കൗൺസിലിന്റെ അധ്യക്ഷ പദവി സൈപ്രസിനാണ് എന്നതും ഈ സന്ദർശനത്തിന്റെ നയതന്ത്ര പ്രാധാന്യം വർദ്ധിപ്പിക്കുന്നു. സൈപ്രസ് പ്രസിഡന്റിന്റെ ബഹുമാനാർത്ഥം പ്രധാനമന്ത്രി നരേന്ദ്ര മോദി ഉച്ചഭക്ഷണവും, രാഷ്ട്രപതി ദ്രൗപദി മുർമു രാഷ്ട്രപതി ഭവനിൽ ഔദ്യോഗിക വിരുന്നും ഒരുക്കിയിട്ടുണ്ട്. 2027-ൽ ഇരുരാജ്യങ്ങളും തമ്മിലുള്ള നയതന്ത്ര ബന്ധത്തിന്റെ 65-ാം വാർഷികം ആഘോഷിക്കാനിരിക്കെ, ഈ സന്ദർശനം ഇരുരാജ്യങ്ങൾക്കുമിടയിൽ പുതിയൊരു നാഴികക്കല്ലാകും.
Summary: Prime Minister Narendra Modi and Cyprus President Nikos Christodoulides held a crucial bilateral meeting at New Delhi’s Hyderabad House on Friday. Top officials, including EAM S Jaishankar and NSA Ajit Doval, attended the meeting, which aimed to further strengthen the India-Cyprus partnership following PM Modi’s historic visit to Cyprus in June 2025. President Christodoulides, who is on a four-day State Visit to India, also visited Mumbai to attend a business forum. The visit holds heightened strategic significance as Cyprus currently holds the Presidency of the Council of the European Union.
