ന്യൂഡൽഹി: കഴിഞ്ഞ വർഷം പഹൽഗാം ഭീകരാക്രമണത്തിന് പിന്നാലെ ഇന്ത്യയും പാകിസ്താനും തമ്മിൽ നടന്ന കടുത്ത സൈനിക സംഘർഷവുമായി ബന്ധപ്പെട്ട് പാകിസ്താൻ സൈനിക ഉദ്യോഗസ്ഥൻ നടത്തിയ അവകാശവാദം ആഗോളതലത്തിൽ പരിഹാസത്തിന് വഴിവെക്കുന്നു. ഇന്ത്യയുടെ ‘ഓപ്പറേഷൻ സിന്ദൂർ’ എന്ന സൈനിക നീക്കത്തിന് മറുപടിയായി പാകിസ്താൻ നടത്തിയ ‘ഓപ്പറേഷൻ ബുനിയൻ ഉൾ മർസൂസ്’ വഴി ഇന്ത്യയിലെ രണ്ട് പ്രമുഖ വ്യോമതാവളങ്ങൾ തകർത്തുവെന്നാണ് പാക് സൈന്യത്തിന്റെ അവകാശവാദം. എന്നാൽ, പാക് ഉദ്യോഗസ്ഥൻ പറയുന്ന ഈ രണ്ട് വ്യോമതാവളങ്ങളും ഇന്ത്യയിൽ നിലവിലില്ല എന്നതാണ് യാഥാർത്ഥ്യം.(Netizens Mock Pakistani Officer Claiming Attacks On Non Existent Rajouri and Mamun Airbases)
ഒരു പ്രാദേശിക പാകിസ്താൻ ചാനലിന് നൽകിയ അഭിമുഖത്തിൽ, ‘ഫത്താ-1’ ഗൈഡഡ് പീരങ്കി റോക്കറ്റ് ഓപ്പറേഷന്റെ ഭാഗമായിരുന്ന ക്യാപ്റ്റൻ മുനീബ് സമൽ ആണ് ഈ വിചിത്രമായ അവകാശവാദം ഉന്നയിച്ചത്. ഇന്ത്യയുടെ “രാജൗരി എയർബേസ്”, “മാമുൻ എയർബേസ്” എന്നിവ തങ്ങൾ വിജയകരമായി ആക്രമിച്ചു തകർത്തുവെന്ന് ക്യാപ്റ്റൻ അവകാശപ്പെട്ടു. പാക് ഉദ്യോഗസ്ഥന്റെ അവകാശവാദങ്ങൾ പൂർണ്ണമായും വ്യാജമാണെന്ന് പ്രതിരോധ വിദഗ്ധർ ചൂണ്ടിക്കാണിക്കുന്നു.
ജമ്മു കശ്മീരിലെ ഒരു അതിർത്തി ജില്ലയാണെങ്കിലും രജൗരിയിൽ ഇന്ത്യൻ വ്യോമസേനയുടെ പ്രവർത്തനസജ്ജമായ യാതൊരുവിധ എയർബേസും നിലവിലില്ല. പഞ്ചാബിലെ പത്താൻകോട്ടിന് സമീപമുള്ള ഇന്ത്യൻ സൈന്യത്തിന്റെ ഒരു തന്ത്രപ്രധാന കന്റോൺമെന്റ് ഏരിയയാണ് മാമുൻ. ഇതും ഒരു വ്യോമതാവളമല്ല. മിസൈൽ വിക്ഷേപണ സമയത്ത് പ്രദേശത്ത് സാധാരണക്കാരായ ജനങ്ങൾ തടിച്ചുകൂടിയതിനെക്കുറിച്ചുള്ള അവതാരകന്റെ ചോദ്യത്തിന്, ജനങ്ങളുടെ സാന്നിധ്യം മിസൈൽ യൂണിറ്റിലെ ഉദ്യോഗസ്ഥർക്ക് ‘ആത്മവിശ്വാസം വർദ്ധിപ്പിക്കാൻ’ സഹായിച്ചുവെന്ന വിചിത്രമായ മറുപടിയാണ് ക്യാപ്റ്റൻ നൽകിയത്.
Story Summary
A Pakistani military officer, Captain Muneeb Zamal, faced widespread online ridicule after claiming in a TV interview that Pakistan’s Fatah-1 missiles successfully destroyed non-existent Indian military targets dubbed “Rajouri Airbase” and “Mamun Airbase” during the 2025 cross-border escalation. Social media users mocked the claims, noting that Rajouri has no active airbase and Mamun is an Army cantonment, while actual Pakistani missile debris was recovered far from military targets, including from Srinagar’s Dal Lake and fields in Haryana and Punjab.
