കൊച്ചി: സംസ്ഥാനത്ത് സ്വർണ്ണവിലയിൽ വീണ്ടും ഇടിവ് രേഖപ്പെടുത്തി. ഇന്ന് പവന് 520 രൂപയാണ് കുറഞ്ഞത്. ഇതോടെ ഒരു പവൻ സ്വർണ്ണത്തിന്റെ പുതിയ വില 1,14,560 രൂപയായി. ഗ്രാമിന് ആനുപാതികമായി 65 രൂപ കുറഞ്ഞ് ഒരു ഗ്രാം സ്വർണ്ണത്തിന് 14,320 രൂപയിലുമാണ് ഇന്ന് വ്യാപാരം പുരോഗമിക്കുന്നത്. കഴിഞ്ഞ കുറച്ചുദിവസങ്ങളായി സ്വർണ്ണവിലയിൽ പ്രകടമായ ഏറ്റക്കുറച്ചിലുകളാണ് വിപണിയിലുണ്ടാകുന്നത്.(Gold Price Decreases In Kerala Amid Rising Global Crude Oil Prices Trump Iran Statement)
സ്വർണ്ണത്തെ സ്വാധീനിച്ച് പശ്ചിമേഷ്യൻ രാഷ്ട്രീയവും അന്താരാഷ്ട്ര എണ്ണവിലയും
ആഗോള വിപണിയിൽ അസംസ്കൃത എണ്ണവില ക്രമാതീതമായി ഉയർന്നത് ഉൾപ്പെടെയുള്ള അന്താരാഷ്ട്ര സംഭവവികാസങ്ങളാണ് സ്വർണ്ണവിലയിലെ ഈ മാറ്റങ്ങൾക്ക് പ്രധാന കാരണം. പശ്ചിമേഷ്യൻ സംഘർഷം വീണ്ടും മൂർച്ഛിക്കുമെന്ന ശക്തമായ സൂചനകൾ നൽകിക്കൊണ്ടുള്ള അമേരിക്കൻ പ്രസിഡന്റ് ഡൊണാൾഡ് ട്രംപിന്റെ പുതിയ പ്രസ്താവനയ്ക്ക് പിന്നാലെ രാജ്യാന്തര വിപണിയിൽ എണ്ണവില ബാരലിന് 110 ഡോളർ കടന്ന് കുതിക്കുകയാണ്.
“കൊടുങ്കാറ്റിന് മുൻപുള്ള ശാന്തത” എന്ന ട്രംപിന്റെ പരാമർശം ഇറാന് എതിരെ വീണ്ടുമൊരു സൈനിക നീക്കത്തിന് അമേരിക്ക ഒരുങ്ങുന്നു എന്ന ആശങ്കയാണ് ആഗോള വിപണിയിൽ ഉണ്ടാക്കിയിരിക്കുന്നത്. ഈ യുദ്ധഭീതിയും അനിശ്ചിതാവസ്ഥയും ക്രൂഡ് ഓയിൽ വിലയെ കുത്തനെ ഉയർത്തുകയും, അത് ഇന്ത്യൻ വിപണിയിലുൾപ്പെടെയുള്ള സാമ്പത്തിക മേഖലകളിലും സ്വർണ്ണവിലയിലും ശക്തമായി പ്രതിഫലിക്കുകയുമായിരുന്നു. വരും ദിവസങ്ങളിലും രാജ്യാന്തര വിപണിയിലെ ഈ അസ്ഥിരത സ്വർണ്ണവിലയെ സ്വാധീനിച്ചേക്കും.
Story Summary
Gold prices in Kerala decreased today by ₹520 per sovereign, bringing the new price to ₹1,14,560. The drop comes amidst global market fluctuations driven by rising crude oil prices, which surged past $110 per barrel following US President Donald Trump’s remarks hinting at military escalations against Iran.
