മുംബൈ: വ്യവസായി സൂരജ് നമ്പ്യാരുമായുള്ള വിവാഹമോചന വാർത്ത ഔദ്യോഗികമായി സ്ഥിരീകരിച്ചതിന് പിന്നാലെ സോഷ്യൽ മീഡിയ അക്കൗണ്ടുകളിലെ കമന്റ് ബോക്സുകൾ ഓഫാക്കി നടി മൗനി റോയ്. വ്യാഴാഴ്ച ഇരുവരും സംയുക്തമായി പങ്കുവെച്ച കുറിപ്പിലൂടെയാണ് തങ്ങൾ വേർപിരിയുകയാണെന്നും സ്വകാര്യതയെ മാനിക്കണമെന്നും അഭ്യർത്ഥിച്ചത് (Mouni Roy Suraj Nambiar Divorce Controversy). എന്നാൽ വാർത്ത പുറത്തുവന്നതോടെ ആരാധകരിൽ നിന്നും സോഷ്യൽ മീഡിയയിൽ നിന്നും കടുത്ത സൈബർ ആക്രമണങ്ങളും വ്യാജ പ്രചാരണങ്ങളും ഉണ്ടായതിനെത്തുടർന്നാണ് നടി കമന്റുകൾ മറച്ചുവെക്കാൻ തീരുമാനിച്ചത്. പുതിയ പോസ്റ്റിൽ പ്രതികരിക്കാൻ കഴിയാത്തതോടെ സോഷ്യൽ മീഡിയ ഉപയോക്താക്കൾ മൗനിയുടെ പഴയ പോസ്റ്റുകൾക്ക് താഴെ നടിയുടെ അടുത്ത സുഹൃത്തും നടിയുമായ ദിഷ പഠാനിയെ അനാവശ്യമായി വിവാദങ്ങളിലേക്ക് വലിച്ചിഴക്കാൻ തുടങ്ങി.
മൗനിയുടെയും സൂരജിന്റെയും കുടുംബജീവിതം തകർത്തത് ദിഷയാണെന്നും ഇവരുടെ വേർപിരിയലിന് കാരണം ദിഷയാണെന്നും ആരോപിച്ചാണ് സൈബർ ഇടങ്ങളിൽ പ്രചാരണം നടക്കുന്നത്. തങ്ങളുടെ വ്യക്തിജീവിതത്തെക്കുറിച്ച് മാധ്യമങ്ങളിൽ വരുന്ന വാർത്തകൾ തീർത്തും അടിസ്ഥാനരഹിതമാണെന്നും പരസ്പര ബഹുമാനത്തോടെയും സൗഹൃദത്തോടെയുമാണ് വേർപിരിയാൻ തീരുമാനിച്ചതെന്നും മൗനിയും സൂരജും കുറിപ്പിൽ വ്യക്തമാക്കിയിരുന്നു. ഇൻസ്റ്റാഗ്രാമിൽ ഇരുവരും പരസ്പരം അൺഫോളോ ചെയ്തതോടെയാണ് കഴിഞ്ഞ കുറച്ചുദിവസങ്ങളായി ഇവരുടെ വേർപിരിയൽ വാർത്തകൾ സജീവമായത്. 2018-ൽ ദുബായിൽ വെച്ച് പരിചയപ്പെട്ട ഇരുവരും നീണ്ട നാളത്തെ പ്രണയത്തിനൊടുവിൽ 2022-ലാണ് ഗോവയിൽ വെച്ച് മലയാളി, ബംഗാളി ആചാരപ്രകാരം വിവാഹിതരായത്.
Summary: Bollywood actress Mouni Roy has disabled the comments section on her Instagram after announcing her divorce from husband Suraj Nambiar in a joint post requesting privacy. Following this, social media users shifted to her older posts and dragged her close friend, actress Disha Patani, into the controversy, accusing her of causing the split. Mouni and Suraj, who married in 2022 in both Malayali and Bengali ceremonies, stated that their decision to separate was mutual and amicable, dismissing the speculative narratives circulating in the media.
