ബാൽക്കണിയിൽ കൂടു കൂട്ടുന്ന പ്രാവുകളെ തുരത്താൻ ആർട്ടിഫിഷ്യൽ ഇന്റലിജൻസ് ഉപയോഗിച്ച് ഒരു ഓട്ടോമേറ്റഡ് സിസ്റ്റം നിർമ്മിച്ചിരിക്കുകയാണ് ഒരു റെഡിറ്റ് (Reddit) ഉപയോക്താവ്. പ്രാവുകളെ തത്സമയം തിരിച്ചറിഞ്ഞ് അവയുടെ നേരെ വെള്ളം ചീറ്റുന്ന ഈ വിദ്യ സോഷ്യൽ മീഡിയയിൽ ഇതിനോടകം തന്നെ തരംഗമായിക്കഴിഞ്ഞു (AI Pigeon Repellent). സാധാരണ പക്ഷികളെ തുരത്താൻ ഉപയോഗിക്കുന്ന മാർഗ്ഗങ്ങൾ പരാജയപ്പെട്ടപ്പോഴാണ് യുവാവ് സ്വന്തമായി ഇത്തരമൊരു സ്മാർട്ട് സിസ്റ്റം ഡിസൈൻ ചെയ്തത്.
ഒരു യുഎസ്ബി ക്യാമറ, ഓറഞ്ച് പൈ 5 കമ്പ്യൂട്ടർ എന്നിവയാണ് ഈ യന്ത്രത്തിന്റെ പ്രധാന ഭാഗങ്ങൾ. ഇതിൽ സജ്ജീകരിച്ചിരിക്കുന്ന ‘YOLO World V2’ എന്ന എഐ വിഷൻ മോഡൽ തത്സമയ വീഡിയോ ദൃശ്യങ്ങളിലൂടെ പ്രാവുകളെ കൃത്യമായി തിരിച്ചറിയുന്നു. ഒരു പ്രാവിനെ കണ്ടെത്തിയാൽ ഉടൻ തന്നെ സെർവോ മോട്ടോറുകളിൽ ഘടിപ്പിച്ചിരിക്കുന്ന വാട്ടർ ഗൺ പക്ഷിയുടെ നേരെ തിരിയുകയും ഓട്ടോമാറ്റിക്കായി വെള്ളം ചീറ്റുകയും ചെയ്യും. റോക്ക് ചിപ്പ് 3588 ചിപ്പിലെ ന്യൂറൽ പ്രോസസിംഗ് യൂണിറ്റിലാണ് ഈ എഐ മോഡൽ പ്രവർത്തിക്കുന്നത്.
Posts from the sideproject
community on Reddit
ഈ സംവിധാനത്തിന്റെ മറ്റൊരു പ്രത്യേകത ഇതിന്റെ വഴക്കമാണ്. എഐ ഉപയോഗിക്കുന്നത് കൊണ്ട് തന്നെ പ്രാവുകൾക്ക് പകരം അണ്ണാൻ, പൂച്ച അല്ലെങ്കിൽ മറ്റ് ശല്യക്കാരായ ജീവികളെ തുരത്താനും ഈ യന്ത്രത്തെ മാറ്റിയെടുക്കാൻ സാധിക്കും. വൻകിട കമ്പനികളിലും ഗവേഷണശാലകളിലും മാത്രം ഒതുങ്ങിനിന്നിരുന്ന ആർട്ടിഫിഷ്യൽ ഇന്റലിജൻസ് ഇപ്പോൾ സാധാരണക്കാരുടെ വീട്ടുപടിക്കൽ വരെ എത്തിയിരിക്കുന്നു എന്നതിന്റെ തെളിവാണ് ഈ പരീക്ഷണമെന്ന് സോഷ്യൽ മീഡിയയിൽ അഭിപ്രായങ്ങൾ ഉയരുന്നുണ്ട്. കുറഞ്ഞ ചിലവിൽ എഐ ടൂളുകൾ ലഭ്യമായതോടെ ഇത്തരം ക്രിയാത്മകമായ കണ്ടുപിടിത്തങ്ങൾ വർദ്ധിച്ചു വരികയാണ്.
Summary: A Reddit user has gone viral for creating an AI-powered automated system to keep pigeons off his balcony. The setup uses a USB camera and an AI model called YOLO World V2 to detect pigeons in real time and automatically spray them with water using a mounted water gun. This invention highlights how affordable AI tools are being used by individuals to solve everyday household problems.
