തമിഴ്നാട് മുഖ്യമന്ത്രിയായി വിജയ് സത്യപ്രതിജ്ഞ ചെയ്ത ചടങ്ങിൽ ഏറ്റവും കൂടുതൽ ശ്രദ്ധയാകർഷിച്ചത് നടി തൃഷയുടെ സാന്നിധ്യമായിരുന്നു. ചടങ്ങിൽ തൃഷ ധരിച്ച വേഷവും ലുക്കുമാണ് ഇപ്പോൾ സോഷ്യൽ മീഡിയയിൽ വലിയ ചർച്ചകൾക്ക് വഴിവെച്ചിരിക്കുന്നത്. (Trisha Swearing In Ceremony)
ഇളംനീല നിറത്തിലുള്ള പട്ടുസാരിയും ഗോൾഡൻ ബ്ലൗസും ധരിച്ച് അതീവ സുന്ദരിയായാണ് തൃഷ ചടങ്ങിനെത്തിയത്. മുടിയിൽ മുല്ലപ്പൂവ് ചൂടി, ചുവന്ന കല്ലുകൾ പതിച്ച നെക്ലേസും കമ്മലുകളും അണിഞ്ഞ താരം ഒരു ട്രഡീഷണൽ ലുക്കിലായിരുന്നു. തൃഷയുടെ ഈ ലുക്ക് 2000-ൽ ഐശ്വര്യ റായ് മുൻ പ്രധാനമന്ത്രി അടൽ ബിഹാരി വാജ്പേയിയെ കാണാൻ പോയപ്പോഴത്തെ ലുക്കിന് സമാനമാണെന്നാണ് ആരാധകർ പറയുന്നത്. അന്ന് ഐശ്വര്യയും സമാനമായ നിറത്തിലുള്ള സാരിയും സ്വർണാഭരണങ്ങളുമാണ് ധരിച്ചിരുന്നത്.
മണിരത്നം ചിത്രം ‘പൊന്നിയിൻ സെൽവൻ’ പരാമർശിച്ചാണ് ആരാധകരുടെ കമന്റുകൾ. ചിത്രത്തിലെ ഐശ്വര്യയുടെ കഥാപാത്രമായ ‘നന്ദിനി’യെ തൃഷയുടെ കഥാപാത്രമായ ‘കുന്ദവൈ’ കോപ്പിയടിച്ചു എന്നാണ് ആരാധകർ തമാശരൂപേണ പറയുന്നത്. വിജയ്യുടെ രാഷ്ട്രീയ പ്രവേശനവും തമിഴ്നാട് രാഷ്ട്രീയത്തിലെ നിർണ്ണായക മാറ്റങ്ങളും ചർച്ചയാകുന്നതിനിടെ തൃഷയുടെ ഈ സാന്നിധ്യം സിനിമാ-രാഷ്ട്രീയ മേഖലകളിൽ ഒരുപോലെ ശ്രദ്ധിക്കപ്പെട്ടു.
Summary: Fans are comparing Trisha’s traditional look at Tamil Nadu CM Vijay’s swearing-in ceremony to Aishwarya Rai’s iconic 2000 look when she met then-PM Atal Bihari Vajpayee. Both actresses wore similar light blue silk sarees with golden embroidery. Fans jokingly referenced ‘Ponniyin Selvan’, saying ‘Kundavai’ copied ‘Nandini’.
