ടോക്കിയോ: നരിത വിമാനത്താവളത്തിൽ ലാൻഡിംഗിനിടെ കനത്ത കാറ്റിൽപ്പെട്ട് കൊറിയൻ എയർ വിമാനം അപകടകരമായ രീതിയിൽ ഉലഞ്ഞത് യാത്രക്കാരെയും കാഴ്ചക്കാരെയും ഭീതിയിലാഴ്ത്തി. റൺവേയിൽ തൊടാൻ നിമിഷങ്ങൾ മാത്രം ബാക്കിനിൽക്കെ ലാൻഡിംഗ് ഉപേക്ഷിച്ച പൈലറ്റുമാരുടെ തീരുമാനം വലിയൊരു അപകടം ഒഴിവാക്കി.(Korean Air Flight Aborts Landing At Tokyo Narita Due To Strong Crosswinds)
Korean Air plane fails to land due to strong crosswinds pic.twitter.com/zTrGu6U0T1
— Planesanity (@planesanity) May 11, 2026
കൊറിയൻ എയറിന്റെ എയർബസ് എ321 നിയോ വിമാനമാണ് ടോക്കിയോയിലെ മോശം കാലാവസ്ഥയിൽപ്പെട്ടത്. വിമാനം റൺവേയ്ക്ക് തൊട്ടുമുകളിലെത്തിയപ്പോൾ ശക്തമായ പാർശ്വവാതം മൂലം നിയന്ത്രണം വിട്ട് വശങ്ങളിലേക്ക് ആടാൻ തുടങ്ങി. ഇതിന്റെ ദൃശ്യങ്ങൾ സമൂഹമാധ്യമങ്ങളിൽ വൈറലാണ്.
വിമാനം റൺവേയിൽ ഇടിക്കാൻ സാധ്യതയുണ്ടെന്ന് മനസ്സിലാക്കിയ പൈലറ്റുമാർ സെക്കൻഡുകൾക്കുള്ളിൽ ലാൻഡിംഗ് ഉപേക്ഷിക്കുകയും വിമാനം തിരിച്ച് ആകാശത്തേക്ക് തന്നെ ഉയർത്തുകയും ചെയ്തു. സുരക്ഷിതമല്ലാത്ത സാഹചര്യത്തിൽ ലാൻഡിംഗ് ഒഴിവാക്കാൻ പൈലറ്റുമാർ സ്വീകരിക്കുന്ന സ്റ്റാൻഡേർഡ് സുരക്ഷാ നടപടിയാണിത്.
സോഷ്യൽ മീഡിയയിൽ പ്രചരിക്കുന്ന വീഡിയോകളിൽ വിമാനം റൺവേയ്ക്ക് തൊട്ടടുത്ത് വെച്ച് വശങ്ങളിലേക്ക് ചരിഞ്ഞും ഉലഞ്ഞും നിൽക്കുന്നത് വ്യക്തമാണ്. പൈലറ്റുമാരുടെ മനഃസാന്നിധ്യമാണ് നൂറിലധികം യാത്രക്കാരുടെ ജീവൻ രക്ഷിച്ചതെന്ന് സോഷ്യൽ മീഡിയ ഉപയോക്താക്കൾ പ്രതികരിച്ചു.
Story Summary
A Korean Air Airbus A321neo flight narrowly avoided an accident while landing at Tokyo’s Narita Airport due to strong crosswinds. The pilots aborted the landing (go-around) seconds before touchdown, a move praised on social media for saving lives.
