കോഴിക്കോട്: ഫുട്ബോൾ ലോകകപ്പ് ക്വാർട്ടർ ഫൈനലിൽ അർജന്റീനയുടെ വിജയത്തെത്തുടർന്നുണ്ടായ ആഘോഷങ്ങൾക്കിടെ അപകടം. കോഴിക്കോട് ചക്കുംകടവ് സ്വദേശി മുഹമ്മദ് സഹദിന്റെ (22) കൈവിരലുകളാണ് പടക്കം പൊട്ടിത്തെറിച്ച് അറ്റുപോയത്. (Argentina Victory Firecracker Accident)
സുഹൃത്തുക്കൾക്കൊപ്പം വിജയം ആഘോഷിക്കുന്നതിനിടെയായിരുന്നു സംഭവം. യുവാവിന്റെ രണ്ട് കൈകളിലും പടക്കമുണ്ടായിരുന്നു. വലതു കൈയിലെ പടക്കം പൊട്ടിക്കാൻ ശ്രമിക്കുന്നതിനിടെ ഇടതു കൈയിലുണ്ടായിരുന്ന പടക്കത്തിന് തീപിടിച്ച് പൊട്ടിത്തെറിക്കുകയായിരുന്നു. അപകടത്തിൽ സഹദിന്റെ ഇടതു കൈയിലെ ചെറുവിരലും മോതിരവിരലും പൂർണ്ണമായും നടുവിരലിന്റെ പകുതി ഭാഗവും നഷ്ടപ്പെട്ടു. ഉടൻ തന്നെ കോഴിക്കോട്ടെ സ്വകാര്യ ആശുപത്രിയിൽ പ്രവേശിപ്പിച്ച യുവാവിനെ അടിയന്തര ശസ്ത്രക്രിയയ്ക്ക് വിധേയനാക്കി.
Summary: A 22-year-old youth, Mohammed Sahad, lost his fingers in an explosion while celebrating Argentina’s victory in the Football World Cup quarter-final in Kozhikode. The accident occurred when a firecracker in his hand went off prematurely, requiring him to undergo emergency surgery.
