തിരുച്ചിറപ്പള്ളി: തമിഴക വെട്രി കഴകം (Vijay TVK അധ്യക്ഷനും പ്രമുഖ നടനുമായ വിജയ് പെരമ്പൂരിന് പിന്നാലെ തിരുച്ചിറപ്പള്ളിയിലും നാമനിർദ്ദേശ പത്രിക സമർപ്പിച്ചു. പത്രികാ സമർപ്പണത്തിന് പിന്നാലെ ഭരണകൂടത്തിനെതിരെയും രാഷ്ട്രീയ എതിരാളികൾക്കെതിരെയും കടുത്ത ആരോപണങ്ങളാണ് വിജയ് ഉന്നയിച്ചത്. തനിക്കെതിരെ വലിയ തോതിലുള്ള രാഷ്ട്രീയ ഗൂഢാലോചന നടക്കുന്നുണ്ടെന്ന് അദ്ദേഹം മാധ്യമങ്ങളോട് പറഞ്ഞു.
തന്റെ അവസാന ചിത്രമായ ‘ജനനായകൻ’ സിനിമയുടെ റിലീസ് തടഞ്ഞത് രാഷ്ട്രീയ ലക്ഷ്യങ്ങൾ മുൻനിർത്തിയാണെന്ന് വിജയ് ആരോപിച്ചു. തിരഞ്ഞെടുപ്പിൽ ‘ജനനായകൻ’ എന്ന ചിത്രം തനിക്ക് വലിയ ആയുധമാകുമെന്ന് ഭയന്നാണ് റിലീസ് തടഞ്ഞതെന്ന് അദ്ദേഹം പറഞ്ഞു. 40-ലധികം പേരുടെ ജീവൻ നഷ്ടപ്പെട്ട കരൂർ ദുരന്തത്തിന് പിന്നിലെ ഗൂഢാലോചന പുറത്തുകൊണ്ടുവരണമെന്നും ഇരകൾക്ക് നീതി വേണമെന്നും വിജയ് ആവശ്യപ്പെട്ടു.
തമിഴ്നാട് നിയമസഭാ തിരഞ്ഞെടുപ്പിൽ രണ്ട് മണ്ഡലങ്ങളിൽ നിന്നാണ് വിജയ് ജനവിധി തേടുന്നത്. കഴിഞ്ഞ ദിവസം പെരമ്പൂരിൽ പത്രിക സമർപ്പിച്ചതിന് പിന്നാലെയാണ് തിരുച്ചിറപ്പള്ളിയിലും അദ്ദേഹം പത്രിക നൽകിയത്. സുരക്ഷാ കാരണങ്ങളാൽ കനത്ത പോലീസ് കാവലിലാണ് ചടങ്ങുകൾ നടന്നത്.പാർട്ടി ജനറൽ സെക്രട്ടറി എൻ. ആനന്ദിനൊപ്പമാണ് വിജയ് പത്രിക സമർപ്പിക്കാൻ എത്തിയത്.
തമിഴ്നാട്ടിലെ 234 മണ്ഡലങ്ങളിലും തന്റെ പാർട്ടി ഒറ്റയ്ക്ക് മത്സരിക്കുമെന്ന മുൻ നിലപാട് വിജയ് ആവർത്തിച്ചു.ആരാധകരും പ്രവർത്തകരും വൻതോതിൽ തടിച്ചുകൂടിയതോടെ തിരുച്ചിറപ്പള്ളി നഗരം വിജയ് തരംഗത്തിലായി. സിനിമയിൽ നിന്ന് രാഷ്ട്രീയത്തിലേക്ക് പൂർണ്ണമായി ചുവടുമാറ്റിയ വിജയ്യുടെ ഓരോ നീക്കവും അതീവ ജാഗ്രതയോടെയാണ് രാഷ്ട്രീയ നിരീക്ഷകർ നോക്കിക്കാണുന്നത്.
Story Summary:
TVK leader and actor Vijay filed his nomination in Tiruchirappalli after completing the process in Perambur. Following the submission, Vijay alleged a political conspiracy against him, specifically citing the blocking of his final film ‘Jananayagan’ and the Karur tragedy that claimed 40 lives. He asserted that the film’s release was halted out of fear of its impact on the elections and reiterated his party’s stance to contest all 234 seats independently.
