ചെന്നൈ: തമിഴ്നാട് രാഷ്ട്രീയത്തിൽ വിപ്ലവം സൃഷ്ടിച്ച് നടൻ വിജയ് അധികാരം പിടിച്ചെടുക്കുമെന്ന് താൻ നേരത്തെ തന്നെ കണ്ടിരുന്നുവെന്ന് നടി പൂജ ഹെഗ്ഡെ (Pooja Hegde Vijay Video). ഇരുവരും ഒന്നിച്ചഭിനയിക്കുന്ന പുതിയ ചിത്രമായ ‘ജനനായകൻ’ (Jananyakam) സെറ്റിൽ നിന്നുള്ള ഒരു രസകരമായ വീഡിയോ പങ്കുവെച്ചുകൊണ്ടാണ് പൂജ ഈ വെളിപ്പെടുത്തൽ നടത്തിയത്.
സെറ്റിലെ ഒരു ബോർഡിൽ ‘ആര് ഇലക്ഷനിൽ ജയിക്കും?’ എന്ന് എഴുതിയിരിക്കുന്നത് പൂജ കാണിച്ചുതരുന്നു. തുടർന്ന് ആ ചോദ്യത്തിന് താഴെ തൊട്ടശേഷം, തന്റെ തൊട്ടടുത്ത് ചിരിച്ചുനിൽക്കുന്ന വിജയ്ക്ക് നേരെ പൂജ വിരൽ ചൂണ്ടുന്നു. ഇതിലൂടെ വരാനിരിക്കുന്ന വലിയ മാറ്റം പൂജ പ്രവചിക്കുകയായിരുന്നു.
“ഇതെല്ലാം സംഭവിക്കുന്നതിനു മുമ്പേ ഞാൻ ഇത് ഊഹിച്ചു. ഇതാണ് സ്വപ്നങ്ങൾ യാഥാർത്ഥ്യമാക്കുന്നത്, വിജയ് സർ…” എന്നാണ് വീഡിയോയ്ക്കൊപ്പം താരം കുറിച്ചത്. പൂജയുടെ ഈ പ്രവൃത്തി കണ്ട് ഒരു പുഞ്ചിരിയോടെ നിൽക്കുന്ന വിജയ്യെയും വീഡിയോയിൽ കാണാം.
ആറ് പതിറ്റാണ്ടിലേറെയായി ഡിഎംകെയും എഐഎഡിഎംകെയും മാറിമാറി ഭരിച്ചിരുന്ന തമിഴ്നാട്ടിൽ, പാർട്ടി രൂപീകരിച്ച് ആദ്യ അങ്കത്തിൽ തന്നെ നൂറിലധികം സീറ്റുകൾ നേടി വിജയ് അധികാരം പിടിച്ചത് ഇന്ത്യൻ രാഷ്ട്രീയത്തിലെ തന്നെ വിരളമായ കാഴ്ചയാണ്. ‘ദളപതി’യിൽ നിന്ന് മുഖ്യമന്ത്രിയിലേക്കുള്ള വിജയ്യുടെ യാത്രയിൽ സിനിമാ ലോകത്തുനിന്നും വലിയ പിന്തുണയാണ് ലഭിക്കുന്നത്.
View this post on Instagram
വിജയ്യും പൂജ ഹെഗ്ഡെയും വീണ്ടും ഒന്നിക്കുന്ന ‘ജനനായകൻ’ എന്ന ചിത്രം ഇതോടെ ആരാധകർക്കിടയിൽ കൂടുതൽ ചർച്ചയായിരിക്കുകയാണ്. രാഷ്ട്രീയ പശ്ചാത്തലത്തിലുള്ള ചിത്രമാണിതെന്ന സൂചനകളും ഈ വീഡിയോ നൽകുന്നുണ്ട്.
Story Summary: Actress Pooja Hegde shared a viral video from the sets of the film ‘Jananyakam’, where she predicted Vijay’s political victory long before the results. In the video, she points to Vijay after posing the question, “Who will win the election?” Following Vijay’s historic win in the 2026 Tamil Nadu elections, Pooja congratulated him, stating she had envisioned this success.
