ചെന്നൈ: തമിഴ്നാട് നിയമസഭയിൽ കേവല ഭൂരിപക്ഷം തെളിയിക്കാൻ ആവശ്യമായ എംഎൽഎമാരുടെ പിന്തുണയുണ്ടെന്ന വിജയ്യുടെ അവകാശവാദം ഗവർണർ രാജേന്ദ്ര അർലേക്കർ തള്ളിയതായി റിപ്പോർട്ട് (Vijay TVK Majority). 118 എംഎൽഎമാരുടെ പിന്തുണ വേണമെന്നിരിക്കെ, മതിയായ രേഖകൾ ഹാജരാക്കാൻ ടിവികെയ്ക്ക് സാധിച്ചില്ലെന്നാണ് സൂചന.
സഖ്യകക്ഷികളായി കരുതിയിരുന്ന ചില പാർട്ടികൾ അവസാന നിമിഷം പിന്തുണ പിൻവലിക്കുകയോ അല്ലെങ്കിൽ ഔദ്യോഗികമായ പിന്തുണ കത്തുകൾ കൈമാറുന്നതിൽ പരാജയപ്പെടുകയോ ചെയ്തതാണ് വിജയ്ക്ക് തിരിച്ചടിയായത്. കൃത്യമായ ഭൂരിപക്ഷം ബോധ്യപ്പെടാതെ സർക്കാർ രൂപീകരിക്കാൻ അനുവദിക്കില്ലെന്ന ഉറച്ച നിലപാടിലാണ് ഗവർണർ.
ശനിയാഴ്ച നടക്കാനിരുന്ന സത്യപ്രതിജ്ഞാ ചടങ്ങുകൾ ഇതോടെ അനിശ്ചിതത്വത്തിലായി. തമിഴ്നാട്ടിൽ രാഷ്ട്രീയ അസ്ഥിരത ഒഴിവാക്കാൻ ഗവർണർ കേന്ദ്ര സർക്കാരിന് റിപ്പോർട്ട് നൽകിയേക്കുമെന്നും സൂചനയുണ്ട്. വിജയ് പക്ഷം കൂടുതൽ എംഎൽഎമാരുടെ പിന്തുണ ഉറപ്പാക്കാൻ ചർച്ചകൾ തുടരുകയാണ്.
Story Summary: According to the latest reports, TVK leader Vijay has failed to prove the required majority of 118 MLAs to Governor Rajendra Arlekar. This development contradicts previous reports of a successful coalition. The Governor has reportedly refused to allow government formation without concrete proof of support, leading to intense political uncertainty in Tamil Nadu.
