ബ്യൂണസ് ഐറിസ്: ലോക ഫുട്ബോൾ ഇതിഹാസം ലയണൽ മെസി സ്വന്തം നാട്ടിലെ തന്റെ അവസാന മത്സരത്തിൽ കണ്ണീരോടെ വിടവാങ്ങി (Lionel Messi Retirement Argentina Last Game). ചൊവ്വാഴ്ച ബ്യൂണസ് ഐറിസിലെ ലാ ബോംബോനെറ സ്റ്റേഡിയത്തിൽ സാംബിയക്കെതിരെ നടന്ന സൗഹൃദ മത്സരത്തിലാണ് മെസി അവസാനമായി അർജന്റീനൻ മണ്ണിൽ ബൂട്ട് കെട്ടിയത്. 2026 ഫിഫ ലോകകപ്പിന് ശേഷം മെസി അന്താരാഷ്ട്ര ഫുട്ബോളിൽ നിന്ന് വിരമിക്കുമെന്നാണ് കരുതപ്പെടുന്നത്.
മത്സരത്തിന് മുൻപ് ദേശീയ ഗാനം ആലപിക്കുമ്പോൾ ആരാധകരുടെ ആവേശക്കടലിന് മുൻപിൽ മെസി വികാരാധീനനായി. മൈതാനത്ത് വെച്ച് താരം കണ്ണുനീർ തുടയ്ക്കുന്ന ദൃശ്യങ്ങൾ സമൂഹമാധ്യമങ്ങളിൽ തരംഗമായി. മത്സരത്തിൽ അർജന്റീന മറുപടിയില്ലാത്ത അഞ്ച് ഗോളുകൾക്ക് സാംബിയയെ തകർത്തു. ഒരു ഗോൾ നേടുകയും മറ്റൊരു ഗോളിന് വഴിയൊരുക്കുകയും ചെയ്ത മെസി തന്റെ 116-ാം അന്താരാഷ്ട്ര ഗോളും കരിയറിലെ 902-ാം ഗോളും ഈ മത്സരത്തിൽ പൂർത്തിയാക്കി. ജൂലിയൻ അൽവാരസ്, നിക്കോളാസ് ഓട്ടമെൻഡി, വാലന്റിൻ ബാർകോ എന്നിവരാണ് മറ്റ് ഗോളുകൾ നേടിയത്. ഒരെണ്ണം സാംബിയയുടെ ഓൺ ഗോളായിരുന്നു.
🚨💣 Deeply emotional scenes unfolding in Argentina 🇦🇷🥹
Lionel Messi is currently playing what is expected to be his LAST match with the national team on Argentine soil.
The final chapter at home for the greatest of all time before the 2026 World Cup. This one really hurts.… pic.twitter.com/yW8WaYYxyi
— Topskills Sports UK (@topskillsportuk) April 1, 2026
ജൂണിൽ നടക്കാനിരിക്കുന്ന ലോകകപ്പിൽ ഗ്രൂപ്പ് ജെ-യിൽ അൾജീരിയ, ഓസ്ട്രിയ, ജോർദാൻ എന്നിവർക്കെതിരെയാണ് നിലവിലെ ചാമ്പ്യന്മാരായ അർജന്റീനയുടെ പോരാട്ടം. ആറാം ലോകകപ്പ് കളിക്കുന്ന ആദ്യ താരമെന്ന റെക്കോർഡിലേക്കാണ് മെസി ഇനി ചുവടുവെക്കുന്നത്. ലോകകപ്പിന് മുൻപ് സെർബിയയുമായും അർജന്റീന സൗഹൃദ മത്സരം കളിക്കും.
Summary: In an emotional farewell on home soil, Lionel Messi played his final match in Argentina on Tuesday at La Bombonera in Buenos Aires. Ahead of the 2026 FIFA World Cup, which is expected to be his international swansong, the 38-year-old was moved to tears by the passionate home crowd. Argentina defeated Zambia 5-0 in the friendly, with Messi scoring his 116th international goal and providing an assist. As the reigning champions prepare to defend their title in Group J, Messi is set to become the first player to feature in six World Cup finals.
,
