ആലപ്പുഴ: പൂന്തോപ്പ് സെന്റ് ഫ്രാൻസിസ് അസീസി പള്ളി സെമിത്തേരിയിൽ അതിക്രമിച്ചുകയറിയ യുവാക്കൾക്കെതിരെ ആലപ്പുഴ നോർത്ത് പോലീസ് കേസെടുത്തു. പുലർച്ചെ രണ്ടരയോടെ സെമിത്തേരിയുടെ മതിൽ ചാടിക്കടന്ന നാലംഗ സംഘം ശവക്കല്ലറകൾക്ക് മുകളിലിരുന്ന് ലഹരിവസ്തുക്കൾ ഉപയോഗിക്കുകയും റീൽസിനായി ദൃശ്യങ്ങൾ ചിത്രീകരിക്കുകയുമായിരുന്നു.(Case filed against 4 youths for breaking into cemetery, consuming drugs and filming reels)
കറുത്ത വസ്ത്രങ്ങൾ ധരിച്ചെത്തിയ യുവാക്കൾ കുരിശ് തലകീഴായി പിടിച്ചാണ് റീൽസ് ചിത്രീകരിച്ചത്. ദൃശ്യങ്ങളിൽ നിന്നും പ്രതികളെ പോലീസ് തിരിച്ചറിഞ്ഞിട്ടുണ്ട്.
പള്ളി കൈക്കാരൻ നൽകിയ ഔദ്യോഗിക പരാതിയെത്തുടർന്നാണ് ആലപ്പുഴ നോർത്ത് പോലീസ് കേസെടുത്തത്. ആരാധനാലയത്തിൽ അതിക്രമിച്ചു കയറുകയും മതവികാരം വ്രണപ്പെടുത്തുകയും ചെയ്തതിനാണ് കേസ്.
