ഇസ്ലാമാബാദ്: പാകിസ്ഥാൻ സൂപ്പർ ലീഗ് (PSL) 2026-ന് നേരെ ഭീകരസംഘടനയുടെ ഭീഷണി (PSL 2026 Security Threat). ജമാഅത്ത്-ഉൽ-അഹ്റാർ എന്ന സായുധ സംഘടനയാണ് സ്റ്റീവ് സ്മിത്ത്, ഡേവിഡ് വാർണർ, ഡാരിൽ മിച്ചൽ തുടങ്ങിയ പ്രമുഖ അന്താരാഷ്ട്ര താരങ്ങൾ ടൂർണമെന്റിൽ നിന്ന് ഉടനടി പിന്മാറണമെന്ന് മുന്നറിയിപ്പ് നൽകിയിരിക്കുന്നത്. താരങ്ങൾ പാകിസ്ഥാനിലേക്ക് വന്നാൽ അവരുടെ സുരക്ഷയ്ക്ക് തങ്ങൾ ഉത്തരവാദികളായിരിക്കില്ലെന്നും മത്സരങ്ങൾ തടയാൻ ഏതറ്റം വരെയും പോകുമെന്നും സംഘടന വ്യക്തമാക്കി.
നിലവിലെ പശ്ചിമേഷ്യൻ സംഘർഷങ്ങളും ഇന്ധന വിലവർദ്ധനവും കാരണം ടൂർണമെന്റ് രണ്ട് നഗരങ്ങളിൽ മാത്രമായി പരിമിതപ്പെടുത്താനും കാണികളെ ഒഴിവാക്കി അടച്ചിട്ട സ്റ്റേഡിയത്തിൽ നടത്താനും പാകിസ്ഥാൻ ക്രിക്കറ്റ് ബോർഡ് നേരത്തെ തീരുമാനിച്ചിരുന്നു. എന്നാൽ ഇതിന് പിന്നിൽ സുരക്ഷാ ഭീഷണിയാണെന്ന സൂചനകളാണ് ഇപ്പോൾ പുറത്തുവരുന്നത്. ക്രിക്കറ്റ് ബോർഡുകൾ തങ്ങളുടെ കളിക്കാരെ പാകിസ്ഥാനിലേക്ക് അയക്കരുതെന്ന് തീവ്രവാദി സംഘടനയുടെ കമാൻഡർ പരസ്യമായി ആവശ്യപ്പെട്ടു.
മാർച്ച് 26-ന് ടൂർണമെന്റ് ആരംഭിക്കാനിരിക്കെ പ്രമുഖ വിദേശ താരങ്ങൾ ഐപിഎല്ലിലേക്ക് ചേക്കേറാനുള്ള സാധ്യതയും വർദ്ധിച്ചിട്ടുണ്ട്. സാം കറൻ ഉൾപ്പെടെയുള്ള താരങ്ങൾ പിഎസ്എൽ ഉപേക്ഷിക്കാൻ തയ്യാറെടുക്കുന്നതായാണ് റിപ്പോർട്ടുകൾ. സ്റ്റീവ് സ്മിത്ത് നേരത്തെ പാകിസ്ഥാനിൽ എത്തിയെങ്കിലും ഭീഷണിയുടെ പശ്ചാത്തലത്തിൽ വിദേശ താരങ്ങളുടെ പങ്കാളിത്തം അനിശ്ചിതത്വത്തിലാണ്. പിസിബി ചീഫ് മോഹ്സിൻ നഖ്വി കടുത്ത നിലപാടുകൾ സ്വീകരിച്ചിട്ടുണ്ടെങ്കിലും താരങ്ങളുടെ സുരക്ഷാ ആശങ്കകൾ പരിഹരിക്കുക എന്നത് വലിയ വെല്ലുവിളിയായി തുടരുന്നു.
Summary
The 2026 Pakistan Super League (PSL) is facing a major security crisis following threats from the armed group Jamaat-ul-Ahrar. The group has warned international stars like Steve Smith and David Warner to withdraw immediately, stating they cannot guarantee player safety.
