കൊച്ചി: കലൂർ സ്റ്റേഡിയത്തിന് സമീപം നടക്കാനിറങ്ങിയ നടിക്ക് നേരെ അതിക്രമം നടത്തിയ യുവാവിനെ പൊലീസ് അറസ്റ്റ് ചെയ്തു. കൊച്ചി കതൃക്കടവ് സ്വദേശി വിപിൻ റോയിയെയാണ് നോർത്ത് പൊലീസ് പിടികൂടിയത്. ( Man arrested for assaulting actress in Kochi)
എംബിഎ ബിരുദധാരിയായ പ്രതി ഒരു പ്രമുഖ ഐടി സ്ഥാപനത്തിന്റെ മാനേജരായി ജോലി ചെയ്തുവരികയാണെന്ന് പൊലീസ് അറിയിച്ചു. കലൂർ സ്റ്റേഡിയത്തിന് സമീപം നടി നടക്കാനിറങ്ങിയപ്പോഴായിരുന്നു അതിക്രമം നടന്നത്.
പ്രതി തന്റെ ശരീരത്തിൽ സ്പർശിച്ചെന്നും ഭീഷണിപ്പെടുത്തിയെന്നും നടി നൽകിയ പരാതിയിൽ പറയുന്നു. സംഭവത്തിൽ പോലീസ് നടപടി എടുത്തിട്ടുണ്ട്.
