മൃദുവായതും ചവയ്ക്കാൻ നല്ല രസമുള്ളതുമായ ഒരു ജാപ്പനീസ് വിഭവമാണ് മോച്ചി (Easy Mochi Recipe). ഗ്ലൂട്ടിനസ് അരി മാവ് ഉപയോഗിച്ച് തയ്യാറാക്കുന്ന ഈ പലഹാരം ഇപ്പോൾ ലോകമെമ്പാടും പ്രിയപ്പെട്ടതാണ്. വീട്ടിൽ ലഭ്യമായ ലളിതമായ ചേരുവകൾ ഉപയോഗിച്ച് എങ്ങനെ സ്വാദിഷ്ടമായ മോച്ചി തയ്യാറാക്കാം എന്ന് നോക്കാം.
ആവശ്യമായ ചേരുവകൾ
- ഗ്ലൂട്ടിനസ് അരി മാവ് ആണ് ഇതിലെ പ്രധാന ചേരുവ.
- പഞ്ചസാര: ആവശ്യത്തിന്.
- പ്ലെയിൻ ചോക്ലേറ്റ്: ഫില്ലിംഗിനായി ചെറിയ കഷ്ണങ്ങളാക്കിയത്.
- വെള്ളം: മാവ് കുഴയ്ക്കാൻ.
- വിനാഗിരി (അവശയമെങ്കിൽ): മാവിന് കൂടുതൽ ഇലാസ്തികത ലഭിക്കാൻ.
- റെഡ് ഡൈ
- ചോളപ്പൊടി : മാവ് കയ്യിൽ ഒട്ടിപ്പിടിക്കാതിരിക്കാൻ.
തയ്യാറാക്കുന്ന വിധം
- ഘട്ടം 1 – മാവ് മിക്സ് ചെയ്യാം: മൈക്രോവേവ് സേഫ് ആയ ഒരു പാത്രത്തിൽ അരിപ്പൊടി, പഞ്ചസാര, വെള്ളം, വിനാഗിരി, അല്പം ചുവന്ന നിറം എന്നിവ ചേർത്ത് കട്ടകളില്ലാതെ നന്നായി യോജിപ്പിക്കുക.
- ഘട്ടം 2 – മൈക്രോവേവ് ചെയ്യാം: ഈ പാത്രം പ്ലാസ്റ്റിക് കവർ ഉപയോഗിച്ച് മൂടി ഒരു മിനിറ്റ് മൈക്രോവേവ് ചെയ്യുക. ശേഷം പുറത്തെടുത്ത് നന്നായി ഇളക്കിയ ശേഷം വീണ്ടും 30 സെക്കൻഡ് കൂടി വെക്കുക. മാവ് ഒട്ടിപ്പിടിക്കുന്ന പരുവത്തിലും പകുതി സുതാര്യമായും മാറുന്നത് വരെ ഇത് ആവർത്തിക്കുക (ഏകദേശം 3-4 മിനിറ്റ്).
- ഘട്ടം 3 – പരത്തിയെടുക്കാം: ഒരു നിരപ്പായ സ്ഥലത്ത് കോൺസ്റ്റാർച്ച് തൂവുക. മാവ് അല്പം തണുത്ത ശേഷം ചെറിയ ഉരുളകളാക്കി എടുക്കുക. ഇത് ഒരു പപ്പടത്തിന്റെ വലിപ്പത്തിൽ കൈകൊണ്ട് പരത്തിയെടുക്കുക.
- ഘട്ടം 4 – ചോക്ലേറ്റ് ഫില്ലിംഗ്: പരത്തിയ മാവിനുള്ളിൽ പ്ലെയിൻ ചോക്ലേറ്റിന്റെ കഷ്ണങ്ങൾ വെക്കുക. ശേഷം വശങ്ങൾ കൂട്ടിപ്പിടിച്ച് നന്നായി ഉരുളകളാക്കി എടുക്കുക. വിടവുകൾ ഒന്നുമില്ലെന്ന് ഉറപ്പുവരുത്തണം.
ഇപ്പോൾ സ്വാദിഷ്ടമായ മോച്ചി തയ്യാർ! ഇത് തണുപ്പിച്ചോ അല്ലാതെയോ വിളമ്പാവുന്നതാണ്.
