കൊല്ലം: പുത്തൂരിൽ ബാധയൊഴിപ്പിക്കലിനായി എത്തിയ പെൺകുട്ടിയെ ലൈംഗികമായി ഉപദ്രവിക്കാൻ ശ്രമിച്ച ജ്യോത്സ്യനെതിരെ പോലീസ് കേസെടുത്തു. ‘മുരാരി തന്ത്രി’ എന്നറിയപ്പെടുന്ന വെണ്ടാർ സ്വദേശി രാജൻ ബാബുവിനെതിരെയാണ് പുത്തൂർ പോലീസ് കേസെടുത്തത്. (Sexual assault on girl who came for exorcism, Case filed against astrologer)
സംഭവത്തിന് ശേഷം പ്രതി ഒളിവിലാണ്. അമ്മയോടൊപ്പം ജ്യോത്സ്യന്റെ അടുക്കൽ എത്തിയതായിരുന്നു പെൺകുട്ടി. പൂജകൾക്കായി പെൺകുട്ടിയെ മാത്രം മുറിക്കുള്ളിലേക്ക് കൊണ്ടുപോവുകയും അമ്മയെ പുറത്തിരുത്തുകയും ചെയ്തു.
ഈ സമയത്ത് മുറിക്കുള്ളിൽ വെച്ച് പ്രതി പെൺകുട്ടിയെ ലൈംഗികമായി ഉപദ്രവിക്കാൻ ശ്രമിച്ചെന്നാണ് പരാതിയിൽ പറയുന്നത്. പരാതിയിൽ കേസെടുത്ത പുത്തൂർ പോലീസ് പ്രതിക്കായി തിരച്ചിൽ ഊർജ്ജിതമാക്കിയിട്ടുണ്ട്.
