വാഷിംഗ്ടൺ: വിദേശ നിക്ഷേപകരെയും അതിസമ്പന്നരെയും ലക്ഷ്യമിട്ട് ഡൊണാൾഡ് ട്രംപ് കൊണ്ടുവന്ന ‘ഗോൾഡ് കാർഡ്’ വിസ പദ്ധതി കനത്ത തിരിച്ചടി നേരിടുന്നു. കഴിഞ്ഞ ജൂണിൽ പ്രഖ്യാപിച്ച് സെപ്റ്റംബറിൽ എക്സിക്യൂട്ടീവ് ഓർഡറിലൂടെ നടപ്പിലാക്കിയ ഈ പദ്ധതിയിൽ ചേരുന്നത് സുരക്ഷിതമല്ലെന്നാണ് നിയമവിദഗ്ധരുടെ പക്ഷം.(Trump Gold Card Visa Scheme Struggles To Attract Wealthy Foreign Investors)
മെലാനിയ ട്രംപിനെയും കുഷ്നർ കുടുംബത്തെയും മുൻപ് നിയമപരമായി പ്രതിനിധീകരിച്ചിട്ടുള്ള പ്രമുഖ അഭിഭാഷകൻ മൈക്കൽ വൈൽഡ്സ് പോലും ഈ പദ്ധതിയെ തള്ളിക്കളഞ്ഞു. തന്റെ അരികിൽ എത്തുന്ന ഇടപാടുകാരോട് ഗോൾഡ് കാർഡിനായി അപേക്ഷിക്കരുതെന്ന് നിർദ്ദേശിക്കുമെന്നും അല്ലാത്തപക്ഷം അത് അധാർമ്മികമാകുമെന്നും അദ്ദേഹം പറഞ്ഞു.
ഗോൾഡ് കാർഡ് പദ്ധതിക്ക് യുഎസ് കോൺഗ്രസിന്റെ അംഗീകാരമില്ല. അതിനാൽ വരാനിരിക്കുന്ന മറ്റൊരു ഭരണകൂടത്തിന് എപ്പോൾ വേണമെങ്കിലും ഈ പദ്ധതി റദ്ദാക്കാം. 1 മില്യൺ മുതൽ 2 മില്യൺ ഡോളർ വരെയാണ് ഇതിന്റെ ചെലവ്. കൂടാതെ 15,000 ഡോളർ അപേക്ഷാ ഫീസായി നൽകണം. 5 മില്യൺ ഡോളർ വരെയുള്ള നിക്ഷേപ പാതകളും ഇതിലുണ്ട്. പദ്ധതിയുമായി ബന്ധപ്പെട്ട സങ്കീർണ്ണമായ നികുതി വ്യവസ്ഥകളും ഇടപാടുകാരെ പിന്നോട്ട് വലിക്കുന്നു.
80,000 കാർഡുകൾ വിതരണം ചെയ്യാനായിരുന്നു ഭരണകൂടത്തിന്റെ ലക്ഷ്യം. മാത്രമല്ല, ഈ വിസയ്ക്ക് അപേക്ഷിക്കുന്നവർക്ക് നിലവിലുള്ള ഇബി-1 (EB-1), ഇബി-2 (EB-2) വിസ വിഭാഗങ്ങളെ മറികടന്ന് മുൻഗണന ലഭിക്കില്ലെന്നും അധികൃതർ വ്യക്തമാക്കിയിട്ടുണ്ട്.
Story Summary
US President Donald Trump’s “Gold Card” visa scheme is facing significant challenges as immigration lawyers warn wealthy clients about legal risks and financial uncertainty. Despite projections of generating $100 billion, government data reveals very low interest, with only 338 applicants so far, largely due to the program’s lack of Congressional approval.
