ശരീരദുർഗന്ധം കാരണം ജിമ്മിലെ മെമ്പർഷിപ്പ് റദ്ദാക്കി അധികൃതർ. ചൈനയിലെ ഹാങ്ഷൂവിലുള്ള ഒരു ജിമ്മിലാണ് സംഭവം. ഷി എന്ന യുവാവിനാണ് ജിമ്മിൽ പ്രവേശനം നിഷേധിച്ചത്. ഇദ്ദേഹത്തിന്റെ വിയർപ്പിൽ നിന്നുള്ള രൂക്ഷമായ ദുർഗന്ധം കാരണം മറ്റ് ഉപഭോക്താക്കൾ നിരന്തരം പരാതിപ്പെട്ടതിനെത്തുടർന്നാണ് ജിം അധികൃതരുടെ ഈ കടുംകൈ. മൂന്ന് വർഷത്തെ മെമ്പർഷിപ്പാണ് ഇദ്ദേഹത്തിന് ഉണ്ടായിരുന്നത്. (Strong Body Odour Gym Ban)
3മെമ്പർഷിപ്പ് റദ്ദാക്കിയതിന് പിന്നാലെ ബാക്കി തുകയായ 3,888 യുവാൻ (ഏകദേശം 45,000 രൂപ) ഇദ്ദേഹത്തിന് തിരികെ നൽകി. കൂടാതെ, മറ്റൊരു ജിമ്മിൽ മൂന്ന് മാസത്തേക്ക് സൗജന്യമായി വർക്ക് ഔട്ട് ചെയ്യാനുള്ള അവസരവും ജിം അധികൃതർ നൽകി. സാമ്പത്തിക മാന്ദ്യത്തിനിടയിലും ഓരോ ഉപഭോക്താവിനെയും നന്നായി പരിഗണിക്കാൻ ഞങ്ങൾ ശ്രമിക്കുന്നുണ്ടെന്നും, എന്നാൽ ഈ സാഹചര്യത്തിൽ മറ്റൊരു വഴിയില്ലെന്നും അധികൃതർ വ്യക്തമാക്കി.
താന് വ്യായാമത്തിനിടയിൽ ധാരാളം ടവ്വലുകൾ ഉപയോഗിക്കാറുണ്ടെന്നും, മറ്റുള്ളവർക്ക് ബുദ്ധിമുട്ടുണ്ടാകാതിരിക്കാൻ പരമാവധി ശ്രമിക്കാറുണ്ടെന്നും ഷി പറയുന്നു. വർക്ക് ഔട്ടിനായി പ്രത്യേക സമയം അനുവദിക്കണമെന്നും മറ്റുമുള്ള ജിമ്മിന്റെ നിർദ്ദേശങ്ങൾ അദ്ദേഹം പാലിച്ചിരുന്നു. എന്നിട്ടും പരാതികൾ തുടർന്നതോടെയാണ് അധികൃതർ കടുത്ത തീരുമാനത്തിലേക്ക് നീങ്ങിയത്. ഷി ഉപയോഗിച്ച മെഷീനുകൾക്ക് സമീപം നിൽക്കാൻ പോലും മറ്റ് അംഗങ്ങൾ മടിച്ചിരുന്നതായും ജിം അധികൃതർ അറിയിച്ചു. വീടിനടുത്തായതുകൊണ്ട് പഴയ ജിമ്മിൽ തന്നെ തുടരാനാണ് താൻ ആഗ്രഹിച്ചിരുന്നതെന്ന് ഷി മാധ്യമങ്ങളോട് പറഞ്ഞു.
Summary: A gym in Hangzhou, China, has terminated the three-year membership of a regular client named Shi due to repeated complaints from other members regarding his strong body odour. Despite the gym’s previous attempts to accommodate him with separate equipment and off-peak hours, the complaints persisted, leading the management to refund the remaining membership fees and provide a three-month pass for a different fitness center. The incident has gained media attention after the user sought help from a local TV channel to resolve the dispute, highlighting the delicate balance between gym hygiene and member retention.
