മിഷിഗൺ: സ്ഥിരതയും ക്ഷമയും കൈവിടാതെയുള്ള കാത്തിരിപ്പിനൊടുവിൽ അമേരിക്കയിലെ മിഷിഗണിൽ നിന്നുള്ള 69-കാരിയെ തേടി ഭാഗ്യദേവതയെത്തി. വർഷങ്ങളായി താൻ സ്ഥിരമായി ഉപയോഗിക്കുന്ന അതേ നമ്പറുകളിൽ ലോട്ടറി എടുത്ത വൃദ്ധയ്ക്ക് ലോട്ടോ 47 ജാക്ക്പോട്ടിലൂടെ ലഭിച്ചത് 1.2 മില്യൺ ഡോളറാണ് (ഏകദേശം 11.4 കോടി രൂപ) (Michigan Lotto 47 Jackpot Winner)
മാർച്ച് 11-ന് നടന്ന നറുക്കെടുപ്പിലെ 02, 16, 18, 19, 26, 42 എന്നീ ആറ് നമ്പറുകളും ഇവരുടെ ടിക്കറ്റുമായി കൃത്യമായി ഒത്തുപോവുകയായിരുന്നു. ഏകദേശം ഒരു കോടിയിലധികം പേരിൽ ഒരാൾക്ക് മാത്രം ലഭിക്കാവുന്ന അപൂർവ്വ ഭാഗ്യമാണ് ഇവരെ തേടിയെത്തിയത്. നറുക്കെടുപ്പ് ഫലം വന്നപ്പോൾ തന്നെ തന്റെ സ്ഥിരം നമ്പറുകൾ തിരിച്ചറിഞ്ഞ ഇവർ ഭർത്താവിനെ വിളിച്ചുണർത്തി വിവരം അറിയിക്കുകയായിരുന്നു. ഈ തുക ഉപയോഗിച്ച് ഭർത്താവിന് ജോലിയിൽ നിന്ന് വിരമിക്കാമെന്നും ബാക്കി കാലം സാമ്പത്തിക ഭദ്രതയോടെ വിശ്രമ ജീവിതം നയിക്കാമെന്നും ഇവർ ലോട്ടറി ഉദ്യോഗസ്ഥരോട് പറഞ്ഞു.
