വാഷിംഗ്ടൺ: ഇറാനുമായുള്ള സമാധാന കരാറിനെ പ്രതിരോധിച്ച് യുഎസ് വൈസ് പ്രസിഡന്റ് ജെ.ഡി. വാൻസ് രംഗത്ത്. കരാർ പ്രകാരം അമേരിക്കൻ നികുതിദായകരുടെ പണം ഒരു രൂപ പോലും ഇറാനിലേക്ക് പോകില്ലെന്ന് അദ്ദേഹം വ്യക്തമാക്കി (JD Vance defended US-Iran peace deal). കരാറിനെക്കുറിച്ച് ഉയരുന്ന വിമർശനങ്ങൾ തള്ളിക്കളഞ്ഞ വാൻസ്, കരാറിന്റെ പ്രധാന ലക്ഷ്യങ്ങൾ വിശദീകരിക്കാൻ സമൂഹമാധ്യമങ്ങളെയും മാധ്യമങ്ങളെയും ഉപയോഗപ്പെടുത്തുകയായിരുന്നു.
കരാറിലൂടെ രണ്ട് പ്രധാന നേട്ടങ്ങളാണ് അമേരിക്ക ലക്ഷ്യമിടുന്നതെന്ന് അദ്ദേഹം പറഞ്ഞു. ഒന്ന്, ഹോർമുസ് കടലിടുക്ക് ഉടൻ തുറക്കുകയും അതുവഴി ആഗോള വിപണിയിൽ എണ്ണ-വാതക വില കുറയുകയും ചെയ്യും. രണ്ടാമതായി, ഇറാൻ ഒരിക്കലും ആണവായുധം സ്വന്തമാക്കില്ലെന്ന് ഉറപ്പുവരുത്താനും സാധിക്കും. പ്രസിഡന്റ് ഡൊണാൾഡ് ട്രംപിന്റെ സൈനിക നടപടികൾ ഇറാനിയൻ ആണവ പദ്ധതിയെ പൂർണ്ണമായും തകർത്തിട്ടുണ്ടെന്നും വാൻസ് അവകാശപ്പെട്ടു.
അമേരിക്കൻ സാമ്പത്തിക ഉപരോധങ്ങൾ പിൻവലിച്ച് ഇറാനെ ആഗോള സമ്പദ്വ്യവസ്ഥയിലേക്ക് സ്വാഗതം ചെയ്യാനാണ് തീരുമാനം. എന്നാൽ, ഇറാൻ ആണവായുധ മോഹം ഉപേക്ഷിച്ചാൽ മാത്രമേ സാമ്പത്തിക നേട്ടങ്ങൾ അവർക്ക് ലഭ്യമാകൂ എന്ന് വാൻസ് ഓർമ്മിപ്പിച്ചു. ഇറാൻ ആണവ പദ്ധതി ഉപേക്ഷിക്കാൻ തയ്യാറാണോ എന്ന് വരും മാസങ്ങളിൽ അറിയാൻ സാധിക്കുമെന്നും, കരാറിലെ വ്യവസ്ഥകൾ പാലിച്ചാൽ മാത്രമേ അവർക്ക് ആനുകൂല്യങ്ങൾ ലഭിക്കൂ എന്നും അദ്ദേഹം വ്യക്തമാക്കി.
Summary: US Vice President JD Vance has defended the US-Iran peace deal, categorically stating that no American taxpayer money will be transferred to Tehran. In a series of public statements, Vance highlighted that the agreement aims to immediately open the Strait of Hormuz to stabilize global energy prices and ensure Iran never acquires a nuclear weapon.
