ബെയ്റൂട്ട്: ലെബനനിൽ ഇസ്രായേൽ സൈനികൻ യേശുക്രിസ്തുവിന്റെ പ്രതിമ തകർക്കുന്ന ചിത്രം സമൂഹമാധ്യമങ്ങളിൽ വൈറലായതോടെ ഇസ്രായേലിനെതിരെ ആഗോളതലത്തിൽ പ്രതിഷേധം ശക്തമാകുന്നു (Israeli Soldier Jesus Statue Lebanon). ലബ്നോനിലെ ഒരു ആരാധനാലയത്തിന് സമീപം വെച്ച് പ്രതിമ തകർക്കുന്ന ദൃശ്യങ്ങൾ അഞ്ച് ദശലക്ഷത്തിലധികം ആളുകളാണ് എക്സ് പ്ലാറ്റ്ഫോമിൽ മാത്രം കണ്ടത്.
The Israel Defense Force has confirmed the authenticity of a photo showing an Israeli Soldier smashing a statue of Jesus Christ in Southern Lebanon, adding that “appropriate measures will be taken against those involved” under the IDF Northern Command. https://t.co/TbGNA6As0k
— OSINTdefender (@sentdefender) April 19, 2026
ചിത്രം സമൂഹമാധ്യമങ്ങളിൽ വലിയ ചർച്ചയായതോടെ, ദൃശ്യങ്ങൾ യഥാർത്ഥമാണെന്ന് ഇസ്രായേൽ പ്രതിരോധ സേന തിങ്കളാഴ്ച ഔദ്യോഗികമായി സ്ഥിരീകരിച്ചു. ഇത് സംബന്ധിച്ച് കൂടുതൽ അന്വേഷണം നടത്തുമെന്നും സൈന്യം അറിയിച്ചിട്ടുണ്ട്. മതചിഹ്നങ്ങളെയും ആരാധനാലയങ്ങളെയും അപമാനിക്കുന്ന ഇസ്രായേൽ സൈന്യത്തിന്റെ നടപടിക്കെതിരെ ലോകമെമ്പാടുമുള്ള ക്രൈസ്തവ സംഘടനകളും മനുഷ്യാവകാശ പ്രവർത്തകരും രംഗത്തെത്തി. ലെബനനിലെ ജനവികാരത്തെ വ്രണപ്പെടുത്തുന്നതാണ് ഈ പ്രവൃത്തിയെന്ന് വിവിധ രാജ്യങ്ങൾ പ്രതികരിച്ചു. കഴിഞ്ഞ കുറച്ച് മാസങ്ങളായി ലെബനൻ അതിർത്തിയിൽ ഇസ്രായേലും ഹിസ്ബുള്ളയും തമ്മിലുള്ള സംഘർഷം രൂക്ഷമായി തുടരുകയാണ്. ഇതിനിടയിലാണ് സൈനികന്റെ ഭാഗത്തുനിന്നുണ്ടായ ഈ പ്രകോപനപരമായ നീക്കം പുറത്തുവരുന്നത്.
ആരാധനാലയങ്ങൾക്ക് നേരെ നടക്കുന്ന ഇത്തരം അതിക്രമങ്ങൾ അന്താരാഷ്ട്ര നിയമങ്ങളുടെ ലംഘനമാണെന്ന് ലെബനൻ സർക്കാർ ആരോപിച്ചു. സംഭവത്തിൽ ഉൾപ്പെട്ട സൈനികനെതിരെ കർശന നടപടി വേണമെന്ന ആവശ്യം ശക്തമാണ്.
Summary: The Israeli military has confirmed the authenticity of a viral photograph showing an Israeli soldier smashing a statue of Jesus in Lebanon. The image, which has garnered over 5 million views on X, has sparked global outrage and condemnation from religious groups and international organizations. While the IDF acknowledged the incident and stated that investigations are underway, the act has been labeled as a provocative violation of religious sentiments amid the ongoing conflict in the region.
