ഗ്ലാസ്ഗോ: വർണശബളമായ ചടങ്ങുകളോടെ 2026-ലെ ഗ്ലാസ്ഗോ കോമൺവെൽത്ത് ഗെയിംസിന് കൊടിയിറങ്ങി. 13 സ്വർണവും 17 വെള്ളിയും 9 വെങ്കലവും ഉൾപ്പെടെ ആകെ 39 മെഡലുകൾ സ്വന്തമാക്കിയ ഇന്ത്യ മെഡൽ പട്ടികയിൽ പ്രൗഢഗംഭീരമായ നാലാം സ്ഥാനം കരസ്ഥമാക്കി. 171 മെഡലുകളുമായി ഓസ്ട്രേലിയ പട്ടികയിൽ ഒന്നാമതെത്തിയപ്പോൾ, ഇംഗ്ലണ്ട് (110), കാനഡ (62) എന്നിവരാണ് യഥാക്രമം രണ്ടും മൂന്നും സ്ഥാനങ്ങളിൽ.(Glasgow Commonwealth Games Concludes India Finishes Fourth With 39 Medals)
സംഗീതവും ദൃശ്യവിരുന്നും കോർത്തിണക്കിയ സമാപനച്ചടങ്ങിൽ ഓസ്ട്രേലിയൻ ഗായിക ഡെൽറ്റ ഗുഡ്രെം, സ്കോട്ടിഷ് ഗായകൻ കാമി ബാൺസ്, സാൻഡി ടോം എന്നിവർ അണിനിരന്നു. ഇന്ത്യയിൽ നിന്ന് പ്രശസ്ത സംഗീതജ്ഞൻ ശങ്കർ മഹാദേവനും മുൻ ലോകസുന്ദരി മാനുഷി ചില്ലാറും ചടങ്ങിന്റെ ഭാഗമായി വേദിയിലെത്തി.
സ്വർണമെഡൽ ജേതാവായ ഇന്ത്യൻ ബോക്സിങ് താരം ജാസ്മിൻ ലംബോറിയയാണ് സമാപനച്ചടങ്ങിൽ ഇന്ത്യൻ പതാകയേന്തിയത്. കോമൺവെൽത്ത് ഗെയിംസിന്റെ നൂറാം വാർഷികം ആഘോഷിക്കുന്ന അടുത്ത പതിപ്പിന് ഇന്ത്യ വേദിയാകും. 2030-ൽ ഗുജറാത്തിലെ അഹമ്മദാബാദിലാണ് മത്സരങ്ങൾ നടക്കുക. സമാപനച്ചടങ്ങിൽ വച്ച് അടുത്ത ഗെയിംസിന് ആതിഥേയത്വം വഹിക്കുന്ന ഇന്ത്യക്ക് കോമൺവെൽത്ത് ബാറ്റൺ ഔദ്യോഗികമായി കൈമാറി.
Story Summary
The 2026 Commonwealth Games concluded in Glasgow, with India finishing fourth in the medal tally by securing 39 medals, including 13 golds. Gold medalist boxer Jaismine Lamboria was the flagbearer for India at the closing ceremony, where the Commonwealth baton was handed over for the centenary 2030 Games to be held in Ahmedabad, India.
