ലൈംഗികാതിക്രമം, അസഭ്യമായ ആക്രമണം എന്നീ കുറ്റകൃത്യങ്ങളിൽ കനേഡിയൻ ശതകോടീശ്വരനും വ്യവസായിയുമായ ഫ്രാങ്ക് സ്ട്രോനാക്കിനെ കുറ്റക്കാരനായി കണ്ടെത്തി. ഒന്റാറിയോ സുപ്പീരിയർ കോടതി ജസ്റ്റിസ് ആൻ മോളോ ആണ് വിധി പുറപ്പെടുവിച്ചത് (Frank Stronach Sexual Assault Conviction). 1970-കളുടെ അവസാനം മുതൽ 1980-കളുടെ തുടക്കം വരെയുള്ള കാലയളവിൽ രണ്ട് വ്യത്യസ്ത സ്ത്രീകൾക്കെതിരെ നടത്തിയ അതിക്രമങ്ങളുടെ പേരിലാണ് 93-കാരനായ സ്ട്രോനാക്കിനെതിരെ കോടതി നടപടി സ്വീകരിച്ചത്. ഇദ്ദേഹത്തിന്റെ പെരുമാറ്റം “അങ്ങേയറ്റം വെറുപ്പുളവാക്കുന്നതും അറപ്പുളവാക്കുന്നതും”ആണെന്ന് വിധിന്യായത്തിൽ ജഡ്ജി രേഖപ്പെടുത്തി.
1980-കളുടെ തുടക്കത്തിൽ ഒരു സ്ത്രീയെ ടൊറന്റോയിലെ തന്റെ വസതിയിൽ വെച്ച് ലൈംഗികമായി പീഡിപ്പിച്ചു എന്ന കുറ്റത്തിന് ഇദ്ദേഹം കുറ്റക്കാരനാണെന്ന് കോടതി കണ്ടെത്തി. കൂടാതെ, 1970-കളുടെ അവസാനത്തിൽ മറ്റൊരു സ്ത്രീയെ വസതിയിൽ വെച്ച് ലൈംഗികമായി അപമാനിച്ച കുറ്റവും തെളിഞ്ഞിട്ടുണ്ട്. അതേസമയം, സ്ട്രോനാക്കിനെതിരെ ചുമത്തിയിരുന്ന ബലാത്സംഗം, ബലാത്സംഗത്തിന് ശ്രമിക്കൽ തുടങ്ങിയ മറ്റ് ഗുരുതരമായ കുറ്റകൃത്യങ്ങളിൽ നിന്ന് കോടതി ഇദ്ദേഹത്തെ വെറുതെവിട്ടു. പ്രതിഭാഗം അഭിഭാഷകർ ഈ വിധിയെ ഭാഗികമായ വിജയമായിട്ടാണ് കാണുന്നത്. എങ്കിലും രണ്ട് കേസുകളിൽ ശിക്ഷ ഉറപ്പായതോടെ വരാനിരിക്കുന്ന ദിവസങ്ങളിൽ സ്ട്രോനാക്കിന് ശിക്ഷാവിധി പ്രഖ്യാപിക്കും.
1957-ൽ ഓട്ടോ പാർട്സ് കമ്പനിയായ ‘മാഗ്ന ഇന്റർനാഷണൽ’ സ്ഥാപിച്ചുകൊണ്ട് കാനഡയിലെ ഏറ്റവും വലിയ സമ്പന്നന്മാരിൽ ഒരാളായി മാറിയ വ്യക്തിയാണ് ഓസ്ട്രിയൻ വംശജനായ ഫ്രാങ്ക് സ്ട്രോനാക്. 2010-ൽ കമ്പനിയിലെ തന്റെ നിയന്ത്രണം ഒഴിഞ്ഞ ശേഷം ഇദ്ദേഹത്തിന് മാഗ്ന ഇന്റർനാഷണലുമായി യാതൊരു ബന്ധവുമില്ലെന്ന് കമ്പനി അധികൃതർ വ്യക്തമാക്കിയിട്ടുണ്ട്. 2024-ലാണ് ഇദ്ദേഹത്തിനെതിരെ പോലീസ് കേസ് രജിസ്റ്റർ ചെയ്തത്. ഇതിനുപുറമെ, വരും വർഷവും മറ്റൊരു ലൈംഗികാതിക്രമക്കേസിൽ ഇദ്ദേഹം വിചാരണ നേരിടുന്നുണ്ട്.
Summary: Canadian billionaire and founder of Magna International, Frank Stronach, has been found guilty of sexual assault and indecent assault by an Ontario Superior Court judge. The charges relate to incidents involving two women that occurred in the late 1970s and early 1980s. While Justice Anne Molloy described his actions as “gross and disgusting,” she acquitted Stronach of more serious charges including attempted rape and rape. The 93-year-old businessman, who is currently awaiting sentencing, is also scheduled to face another sexual assault trial in 2027.
