കമ്പാല: ഡെമോക്രാറ്റിക് റിപ്പബ്ലിക് ഓഫ് കോംഗോയിലും (ഡിആർസി) ഉഗാണ്ടയിലും അതിവേഗം പടരുന്ന അപൂർവ്വമായ ‘ബുന്ദിബുഗ്യോ’ വകഭേദത്തിൽ പെട്ട എബോള വൈറസ് ബാധയിൽ കടുത്ത ആശങ്ക രേഖപ്പെടുത്തി ലോകാരോഗ്യ സംഘടന (Ebola Outbreak Africa). വെള്ളിയാഴ്ച പുറത്തുവിട്ട ഏറ്റവും പുതിയ കണക്കുകൾ പ്രകാരം കോംഗോയിൽ മാത്രം 906 സംശയസ്പദമായ എബോള കേസുകളും ഇതിനോടകം സംഭവിച്ച 223 മരണങ്ങളും സൂക്ഷ്മമായി നിരീക്ഷിച്ചു വരികയാണെന്ന് അധികൃതർ വ്യക്തമാക്കി. നിലവിൽ കോംഗോയിലെ ഇട്ടൂരി, വടക്കൻ കിവു, തെക്കൻ കിവു എന്നീ പ്രവിശ്യകളിലായി 125 സ്ഥിരീകരിച്ച കേസുകളും 17 മരണങ്ങളും റിപ്പോർട്ട് ചെയ്തിട്ടുണ്ട്. അയൽരാജ്യമായ ഉഗാണ്ടയിലും രോഗബാധ സ്ഥിരീകരിച്ചിട്ടുണ്ടെങ്കിലും അവിടെ ഇതുവരെ കമ്മ്യൂണിറ്റി വ്യാപനം (സാമൂഹിക വ്യാപനം) റിപ്പോർട്ട് ചെയ്തിട്ടില്ലെന്ന് ഡബ്ല്യുഎച്ച്ഒ ഹൈ ത്രെറ്റ് പഥോജൻസ് ടീം അംഗം അനൈസ് ലെഗാൻഡ് അറിയിച്ചു. എന്നാൽ വെള്ളിയാഴ്ച വൈകീട്ടോടെ ഒൻപത് സ്ഥിരീകരിച്ച കേസുകൾ കൂടി ഉണ്ടായതായി ഉഗാണ്ടൻ ആരോഗ്യ മന്ത്രാലയം വ്യക്തമാക്കിയിട്ടുണ്ട്.
നിലവിൽ പ്രതിരോധ വാക്സിനുകൾ ലഭ്യമല്ലാത്ത അതീവ അപകടകാരിയായ വൈറസ് വകഭേദമാണ് ബുന്ദിബുഗ്യോ എന്നത് ആരോഗ്യരംഗത്തെ വിദഗ്ധരെ ഏറെ ആശങ്കപ്പെടുത്തുന്നുണ്ട്. രോഗം സ്ഥിരീകരിക്കുന്നവരിൽ മരണനിരക്ക് 30 മുതൽ 50 ശതമാനം വരെയാകാൻ സാധ്യതയുണ്ടെന്നാണ് പ്രാഥമിക വിവരങ്ങൾ സൂചിപ്പിക്കുന്നത്. കിഴക്കൻ കോംഗോയിലെ ജനസാന്ദ്രതയേറിയ മേഖലകളിൽ രണ്ടുമാസത്തോളം ആരുടെയും ശ്രദ്ധയിൽപ്പെടാതെ പടർന്നതിനാലാണ് രോഗബാധിതരുമായി സമ്പർക്കത്തിൽ ഏർപ്പെട്ടവരെ കണ്ടെത്താൻ വൈകിയതും ഇതൊരു അന്താരാഷ്ട്ര ആരോഗ്യ അടിയന്തരാവസ്ഥയായി പ്രഖ്യാപിക്കാൻ ഡബ്ല്യുഎച്ച്ഒയെ പ്രേരിപ്പിച്ചതും. എങ്കിലും രോഗലക്ഷണങ്ങൾ കണ്ടാലുടൻ കൃത്യമായ പരിചരണം നൽകുന്നത് മരണനിരക്ക് കുറയ്ക്കാൻ സഹായിക്കുമെന്നും നിലവിൽ പരിശോധനാ സംവിധാനങ്ങൾ ശക്തമാക്കിയതിനാൽ വരും ദിവസങ്ങളിൽ കൂടുതൽ സംശയസ്പദ കേസുകൾ പുറത്തുവരാൻ സാധ്യതയുണ്ടെന്നും ലോകാരോഗ്യ സംഘടന കൂട്ടിച്ചേർത്തു.
Summary: The World Health Organization has reported 906 suspected cases and 223 suspected deaths under investigation in the Democratic Republic of Congo due to the rare Bundibugyo strain of Ebola. This rare strain, for which no vaccine currently exists, has also spread to neighboring Uganda, though no community transmission has been detected there yet. Health experts remain alarmed as the virus holds a preliminary fatality rate of up to 50%, making early medical intervention crucial for patient survival.
