ബീജിംഗ്: ചൈനയിലെ സിൻജിയാങ് മേഖലയിലെ ഒരു സ്കൂളിൽ കായികമേളയ്ക്കിടെ റോബോട്ട് പ്രകടനം നിയന്ത്രണം വിട്ടത് പരിഭ്രാന്തി പരത്തി. വിദ്യാർത്ഥികളെ രസിപ്പിക്കുന്നതിനായി മൈതാനത്ത് നൃത്തം ചെയ്യാനെത്തിയ ഹ്യൂമനോയിഡ് റോബോട്ടാണ് പാതിവഴിയിൽ പ്രകടനം പിഴച്ച് അക്രമാസക്തമായ രീതിയിൽ ചലിക്കാൻ തുടങ്ങിയത് (Dancing Robot loses control China).
തുടക്കത്തിൽ മികച്ച രീതിയിൽ നൃത്തച്ചുവടുകളും കുങ്ഫു മുറകളും അവതരിപ്പിച്ച റോബോട്ട്, വിദ്യാർത്ഥികൾ നൃത്തത്തിൽ പങ്കുചേരാനായി മൈതാനത്തേക്ക് എത്തിയതോടെയാണ് നിയന്ത്രണം വിട്ടത്. റോബോട്ടിന് ചുറ്റും ആളുകൾ കൂടിയതോടെ സെൻസറുകളിൽ ഉണ്ടായ ആശയക്കുഴപ്പമാണ് ഇതിന് കാരണമായതെന്ന് റിപ്പോർട്ടുകൾ സൂചിപ്പിക്കുന്നു. പെട്ടെന്ന് നിലത്തുവീണ റോബോട്ട് പിന്നീട് എഴുന്നേൽക്കാൻ ശ്രമിക്കുന്നതിനിടെ നർത്തകർക്ക് നേരെ തുടർച്ചയായി കുങ്ഫു കിക്കുകൾ പ്രയോഗിക്കുകയായിരുന്നു.
റോബോട്ടിന്റെ അപ്രതീക്ഷിത നീക്കത്തിൽ പകച്ചുപോയ വിദ്യാർത്ഥികൾ ഉടൻ തന്നെ പിന്മാറിയതിനാൽ വലിയ അപകടങ്ങൾ ഒഴിവായി. ഒടുവിൽ റോബോട്ടിന്റെ ഹാൻഡ്ലർ ഓടിയെത്തി അതിനെ എടുത്തുമാറ്റിയതോടെയാണ് രംഗം ശാന്തമായത്. സംഭവത്തിൽ ആർക്കും പരിക്കേറ്റിട്ടില്ലെന്ന് ഡെയ്ലി മെയിൽ റിപ്പോർട്ട് ചെയ്തു. കൗതുകത്തിനായി എത്തിച്ച റോബോട്ട് വില്ലനായതിന്റെ വീഡിയോ ഇപ്പോൾ സോഷ്യൽ മീഡിയയിൽ വൈറലായിരിക്കുകയാണ്.
Reported on Telegram 🤣
The robot went berserk and almost attacked the dancers at a festival in China: the Unitree android malfunctioned severely and started swinging its “iron” in the style of Bruce Lee
Fortunately, it was quickly shut down — a full-blown “fight” didn’t… pic.twitter.com/FH38FFrjZV
— Beefeater (@Beefeater_Fella) May 3, 2026
Summary: A humanoid robot performing at a school sports day in China’s Xinjiang region lost control and started throwing kung-fu kicks at performers after getting confused by the crowd. The situation was contained when the handler picked up the erratic robot. No injuries were reported, but the footage of the “rogue” dancing robot has gone viral.
