തിരുവനന്തപുരം: പത്ത് വർഷത്തെ ഭരണത്തിന് ശേഷം എൽഡിഎഫ് കനത്ത തോൽവി ഏറ്റുവാങ്ങിയതിന് പിന്നാലെ, പിണറായി വിജയൻ പ്രതിപക്ഷ നേതൃസ്ഥാനം ഏറ്റെടുക്കുമോ എന്ന ചർച്ചകൾക്ക് ചൂടേറ്റി മുഖ്യമന്ത്രിയുടെ മീഡിയ ഗ്രൂപ്പിന്റെ പേര് മാറ്റി. ‘ഓപ്പോസിഷൻ മീഡിയ’ എന്നാണ് വാട്സ്ആപ്പ് ഗ്രൂപ്പിന്റെ പുതിയ പേര്. ഗ്രൂപ്പിന് പിണറായി വിജയന്റെ ചിത്രം തന്നെയാണ് നൽകിയിരിക്കുന്നത്.(Pinarayi Vijayan Opposition Leader Speculation And Media Group Name Change 2026)
പിണറായി വിജയൻ ഇതുവരെ പരസ്യ പ്രതികരണത്തിന് തയ്യാറായിട്ടില്ല. അദ്ദേഹം പ്രതിപക്ഷ നേതൃസ്ഥാനം ഏറ്റെടുക്കാൻ സന്നദ്ധത അറിയിച്ചാൽ പാർട്ടിയിൽ മറ്റ് ചർച്ചകൾക്ക് പ്രസക്തിയുണ്ടാവില്ല. എന്നാൽ, കനത്ത തിരിച്ചടി നേരിട്ട സാഹചര്യത്തിൽ അദ്ദേഹം പിന്മാറുമോ എന്നാണ് രാഷ്ട്രീയ കേരളം ഉറ്റുനോക്കുന്നത്.
വൻ ഭൂരിപക്ഷമുള്ള ഭരണപക്ഷത്തെ നേരിടാൻ പിണറായിയെപ്പോലെ കരുത്തനായ ഒരു നേതാവ് തന്നെ പ്രതിപക്ഷത്തെ നയിക്കണമെന്ന വികാരം പാർട്ടിയിലെ ഒരു വിഭാഗത്തിനുണ്ട്. പിണറായി വിജയൻ താത്പര്യക്കുറവ് അറിയിച്ചാൽ കെ.എൻ. ബാലഗോപാലിനെയാകും പ്രധാനമായും പരിഗണിക്കുക. തോൽവിയുടെ ഞെട്ടലിൽ നിന്ന് പാർട്ടി നേതൃത്വം ഇതുവരെ മുക്തമായിട്ടില്ല. വരും ദിവസങ്ങളിൽ സിപിഎം സംസ്ഥാന സെക്രട്ടറിയേറ്റ്, സംസ്ഥാന കമ്മിറ്റി യോഗങ്ങൾ ചേരും.
Story Summary
Amidst speculations over Pinarayi Vijayan becoming the Leader of the Opposition, his official media group was renamed to ‘Opposition Media’. While the CPI(M) is yet to finalize the leadership role, names like KN Balagopal are being considered if Pinarayi decides to step aside following the LDF’s massive defeat.
