അഹമ്മദാബാദ്: ഐപിഎൽ 2026-ൽ ഗുജറാത്ത് ടൈറ്റൻസിനെതിരായ മത്സരത്തിൽ നിശ്ചിത സമയത്തിനുള്ളിൽ ഓവർ പൂർത്തിയാക്കാത്തതിനെത്തുടർന്ന് ചെന്നൈ സൂപ്പർ കിംഗ്സ് ക്യാപ്റ്റൻ ഋതുരാജ് ഗെയ്ക്വാദിന് 24 ലക്ഷം രൂപ പിഴ (Ruturaj Gaikwad Fined Slow Over Rate). സീസണിൽ രണ്ടാം തവണയാണ് സിഎസ്കെ ഈ തെറ്റ് ആവർത്തിക്കുന്നത്. ഇതേത്തുടർന്ന് ടീമിലെ മറ്റ് പ്ലെയിങ് ഇലവൻ അംഗങ്ങൾക്കും ഇംപാക്ട് പ്ലെയർക്കും 6 ലക്ഷം രൂപ അല്ലെങ്കിൽ അവരുടെ മാച്ച് ഫീസിന്റെ 25 ശതമാനം (ഏതാണോ കുറവ്) പിഴ ചുമത്തിയിട്ടുണ്ട്. ഐപിഎൽ പെരുമാറ്റച്ചട്ടത്തിലെ ആർട്ടിക്കിൾ 2.22 പ്രകാരമാണ് നടപടി. മുൻപ് ടൂർണമെന്റിലെ 18-ാം മത്സരത്തിലാണ് ചെന്നൈ ആദ്യമായി ഈ പിഴവ് വരുത്തിയത്.
വ്യാഴാഴ്ച അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ നടന്ന മത്സരത്തിൽ ഗുജറാത്ത് ടൈറ്റൻസ് ചെന്നൈയെ 89 റൺസിന് പരാജയപ്പെടുത്തിയിരുന്നു. ആദ്യം ബാറ്റ് ചെയ്ത ഗുജറാത്ത്, സായ് സുദർശൻ (84), ഷുബ്മാൻ ഗിൽ (64), ജോസ് ബട്ലർ (57*) എന്നിവരുടെ മികവിൽ 229 റൺസെന്ന കൂറ്റൻ സ്കോർ പടുത്തുയർത്തി. മറുപടി ബാറ്റിംഗിനിറങ്ങിയ സിഎസ്കെ 140 റൺസിന് എല്ലാവരും പുറത്താവുകയായിരുന്നു. മുഹമ്മദ് സിറാജ്, കാഗിസോ റബാഡ, റാഷിദ് ഖാൻ എന്നിവർ മൂന്ന് വിക്കറ്റുകൾ വീതം വീഴ്ത്തി ഗുജറാത്തിന്റെ വിജയം എളുപ്പമാക്കി. ഈ തോൽവിയോടെ സിഎസ്കെ ഐപിഎൽ 2026-ന്റെ പ്ലേ ഓഫ് കാണാതെ പുറത്തായി. ഇത് തുടർച്ചയായ മൂന്നാം തവണയാണ് ചെന്നൈ പ്ലേ ഓഫിലെത്താതെ ടൂർണമെന്റിൽ നിന്ന് മടങ്ങുന്നത്.
Summary: Chennai Super Kings (CSK) captain Ruturaj Gaikwad has been fined Rs 24 lakh after his team maintained a slow over-rate during their IPL 2026 match against Gujarat Titans (GT) in Ahmedabad. As this was the team’s second offence of the season under the IPL Code of Conduct, the rest of the playing XI, including the Impact Player, were also penalised with a fine of Rs 6 lakh or 25% of their match fees. In the match, GT defeated CSK by 89 runs, knocking Chennai out of the tournament and preventing them from qualifying for the playoffs for the third consecutive season.
