ചെന്നൈ: ഐ.പി.എൽ 2026-ൽ ചെന്നൈ സൂപ്പർ കിംഗ്സ് പ്ലേ-ഓഫ് കാണാതെ പുറത്തായതിന് പിന്നാലെ ക്യാപ്റ്റൻ ഋതുരാജ് ഗെയ്ക്വാദിനെതിരെ സോഷ്യൽ മീഡിയയിൽ നടക്കുന്ന കടുത്ത അധിക്ഷേപങ്ങൾക്കെതിരെ തുറന്നടിച്ച് മുൻ സി.എസ്.കെ താരം ആർ. അശ്വിൻ ( CSK Ruturaj Gaikwad Abuse). തുടർച്ചയായ മൂന്ന് പരാജയങ്ങളെത്തുടർന്നാണ് ചെന്നൈ ഇത്തവണ ടോപ്പ് ഫോർ റേസിൽ നിന്ന് പുറത്തായത്. ഈ സീസണിൽ 123.44 സ്ട്രൈക്ക് റേറ്റിൽ 337 റൺസ് മാത്രമാണ് ഗെയ്ക്വാദിന് നേടാനായത്. ഇതിന്റെ പേരിൽ താരത്തെ വ്യക്തിപരമായി അധിക്ഷേപിക്കുന്ന ആരാധകരുടെ നിലപാടിനെ അശ്വിൻ ശക്തമായി അപലപിച്ചു.
എം.എസ് ധോണി നയിച്ചിരുന്ന കാലത്തെ അതേ പ്രതീക്ഷകൾ ഇപ്പോഴും വെച്ചുപുലർത്തരുതെന്ന് അശ്വിൻ തന്റെ യൂട്യൂബ് ചാനലിലൂടെ ആരാധകരെ ഓർമ്മിപ്പിച്ചു. ധോണിയും സി.എസ്.കെയും ചേർന്ന് കഴിഞ്ഞ 18 വർഷമായി ചെന്നൈ എളുപ്പത്തിൽ ജയിക്കുമെന്നും പ്ലേ-ഓഫിൽ എത്തുമെന്നും ആരാധകരെ ശീലിപ്പിച്ചുവെന്നും എന്നാൽ ഇപ്പോൾ സാഹചര്യങ്ങൾ മാറിയെന്നും അദ്ദേഹം പറഞ്ഞു. നിലവിൽ 10 ടീമുകളുണ്ടെന്നും ആർക്കും ആരെയും തോൽപ്പിക്കാമെന്നതാണ് അവസ്ഥയെന്നും വ്യക്തമാക്കിയ അശ്വിൻ, ഒരു മോശം ഫോമിന്റെ പേരിൽ താരങ്ങളെ അധിക്ഷേപിക്കുന്നത് അവസാനിപ്പിക്കണമെന്നും കൂട്ടിച്ചേർത്തു.
Summary: Veteran spinner Ravichandran Ashwin has slammed Chennai Super Kings (CSK) fans for abusing skipper Ruturaj Gaikwad on social media after the team failed to qualify for the IPL 2026 play-offs. Gaikwad struggled with consistency this season, scoring 337 runs at a strike rate of 123.44. Speaking on his YouTube channel, Ashwin defended Gaikwad, stating that form fluctuations happen to everyone and drew a parallel with Ishan Kishan’s career trajectory. He urged fans to lower their expectations, noting that MS Dhoni and CSK had habituated supporters to constant victories over the last 18 years, but the current 10-team tournament makes qualifying much tougher.
