ചെന്നൈ: തമിഴ്നാട് രാഷ്ട്രീയത്തിൽ നിർണ്ണായക നീക്കം. നടൻ വിജയ്യുടെ തമിഴക വെട്രി കഴകം (ടിവികെ) സർക്കാരുണ്ടാക്കാൻ ആവശ്യമായ ഭൂരിപക്ഷം ഉറപ്പിച്ചു (Vijay TVK Government Formation). ഭൂരിപക്ഷത്തിന് ആവശ്യമായ 118 സീറ്റുകൾ എന്ന മാന്ത്രിക സംഖ്യ വിജയ് മറികടന്നതായാണ് റിപ്പോർട്ടുകൾ. അഞ്ച് കോൺഗ്രസ് എംഎൽഎമാർക്കും രണ്ട് വീതം വിസികെ (VCK), സിപിഐഎം, സിപിഐ അംഗങ്ങൾക്കും പുറമെ സ്വതന്ത്രരും പിന്തുണ നൽകിയതോടെയാണിത്.
സർക്കാരുണ്ടാക്കാൻ അവകാശവാദം ഉന്നയിക്കുന്നതിനായി വിജയ് ഇന്ന് വൈകിട്ട് 4.30-ന് തമിഴ്നാട് ഗവർണർ ആർ.വി. അർലേക്കറെ കാണും. കഴിഞ്ഞ മൂന്ന് ദിവസത്തിനിടെ ഇത് മൂന്നാം തവണയാണ് വിജയ് ഗവർണറെ കാണുന്നത്. ഭൂരിപക്ഷം തെളിയിക്കുന്ന രേഖകൾ ഹാജരാക്കാത്തതിനെത്തുടർന്ന് കഴിഞ്ഞ രണ്ട് ദിവസവും ഗവർണർ വിജയ്യുടെ അവകാശവാദം തള്ളിയിരുന്നു. കഴിഞ്ഞ മാസം നടന്ന നിയമസഭാ തിരഞ്ഞെടുപ്പിൽ ഡിഎംകെ, എഐഎഡിഎംകെ എന്നീ ദ്രാവിഡ പാർട്ടികളുടെ 62 വർഷത്തെ ആധിപത്യം തകർത്ത് 234-ൽ 108 സീറ്റുകൾ നേടിയാണ് വിജയ് രാഷ്ട്രീയത്തിൽ അരങ്ങേറ്റം കുറിച്ചത്.
ഭൂരിപക്ഷത്തിന് 10 സീറ്റുകൾ കുറവായിരുന്ന വിജയ്ക്ക്, ബിജെപിയുമായി സഖ്യമുണ്ടാക്കില്ല എന്ന നിബന്ധനയോടെ കോൺഗ്രസ് പിന്തുണ നൽകിയിരുന്നു. തിരഞ്ഞെടുപ്പിന് മുൻപ് ഡിഎംകെ സഖ്യത്തിലായിരുന്ന ഇടത് പാർട്ടികളും വിസികെയും ഒടുവിൽ വിജയ്ക്കൊപ്പം നിൽക്കാൻ തീരുമാനിച്ചതോടെയാണ് ഭരണം ഉറപ്പായത്. ഗവർണറുമായുള്ള ഇന്നത്തെ കൂടിക്കാഴ്ചയോടെ തമിഴ്നാട്ടിലെ രാഷ്ട്രീയ അനിശ്ചിതത്വത്തിന് വിരാമമാകുമെന്നാണ് കരുതുന്നത്.
Summary: Tamil actor-turned-politician Vijay is set to form the next government in Tamil Nadu as sources confirm he has secured the majority. With support from the Congress (5 seats), VCK (2), CPI(M) (2), and CPI (2), Vijay’s TVK has crossed the 118-seat mark. Vijay and Governor RV Arlekar are scheduled to meet at 4:30 pm today for the third time this week to finalize the government formation, marking a historic shift in Tamil Nadu’s political landscape.
