ചെന്നൈ: തമിഴ്നാട് നിയമസഭാ തിരഞ്ഞെടുപ്പിലെ മന്ത്രിസഭയിൽ സർക്കാരുണ്ടാക്കാൻ വിജയ്ക്ക് വഴിതെളിയുന്നു. ടിവികെയ്ക്ക് പിന്തുണ നൽകുന്ന കാര്യത്തിൽ സിപിഐഎം, സിപിഐ, വിസികെ എന്നീ പാർട്ടികൾ മണിക്കൂറുകൾക്കകം അന്തിമ തീരുമാനമെടുക്കുമെന്ന് എം.എ. ബേബി അറിയിച്ചു. ജനവിധി മാനിക്കപ്പെടണമെന്നും ഏറ്റവും വലിയ ഒറ്റക്കക്ഷിയെ സർക്കാർ രൂപീകരിക്കാൻ ക്ഷണിക്കാത്ത ഗവർണറുടെ നടപടി ആശങ്കാജനകമാണെന്നും അദ്ദേഹം പറഞ്ഞു.(Vijay To Form Government In Tamil Nadu With Support Of Left And VCK Says MA Baby)
നിലവിൽ 108 സീറ്റുകളുള്ള ടിവികെയ്ക്ക് കോൺഗ്രസിന്റെ പിന്തുണ നേരത്തെ തന്നെയുണ്ട്. ഇതോടെ അംഗബലം 113 ആയി. ഭൂരിപക്ഷത്തിന് വേണ്ട 118 എന്ന സംഖ്യയിലേക്ക് എത്താൻ 5 സീറ്റുകൾ കൂടി മതിയാകും. വിസികെ 2 സീറ്റ്, സിപിഐഎം 2 സീറ്റ്, സിപിഐ 2 സീറ്റ് എന്നിങ്ങനെ ഈ മൂന്ന് പാർട്ടികൾ കൂടി പിന്തുണ പ്രഖ്യാപിക്കുന്നതോടെ വിജയിന്റെ സഖ്യത്തിന് 119 സീറ്റുകളാകും. ഇത് കേവല ഭൂരിപക്ഷത്തിന് മുകളിലായതിനാൽ വിജയിന്റെ മുഖ്യമന്ത്രി പദം ഉറപ്പായിരിക്കുകയാണ്.
അണ്ണാ ഡിഎംകെയ്ക്ക് ഭൂരിപക്ഷം തികയ്ക്കാൻ ആവശ്യമായ എംഎൽഎമാരുടെ പിന്തുണ ലഭിക്കില്ലെന്ന് എം.എ. ബേബി വ്യക്തമാക്കി. എംഎൽഎമാരെ ‘ഇറക്കുമതി’ ചെയ്യാൻ കഴിയില്ലെന്നും ജനങ്ങൾ തിരഞ്ഞെടുത്തവർ ടിവികെയ്ക്കൊപ്പം നിൽക്കുന്ന സാഹചര്യത്തിൽ വിജയ് തന്നെ സർക്കാരുണ്ടാക്കുമെന്നും അദ്ദേഹം പറഞ്ഞു. ജനാധിപത്യ പ്രക്രിയയിൽ പ്രതിസന്ധി ഒഴിവാക്കാൻ ഇടതുപക്ഷ പാർട്ടികളും വിസികെയും വൈകുന്നേരത്തോടെ സംയുക്ത പ്രഖ്യാപനം നടത്തും. ഇതോടെ തമിഴ്നാട് രാഷ്ട്രീയത്തിൽ അഞ്ച് പതിറ്റാണ്ടായി തുടരുന്ന ദ്രാവിഡ പാർട്ടികളുടെ ആധിപത്യത്തിന് അറുതി വരുത്തിക്കൊണ്ട് വിജയ് ഭരണസാരഥ്യത്തിലേക്ക് എത്തും.
Story Summary
CPIM General Secretary MA Baby confirmed that TVK is the only party capable of forming a majority government in Tamil Nadu. With the likely support of CPI(M), CPI, and VCK, along with the Congress, Vijay’s TVK is set to cross the 118-seat majority mark and end the political stalemate.
