റാഞ്ചി: കാമുകനെതിരെ ലൈംഗിക അതിക്രമത്തിന് പരാതി നൽകി ഒരു മാസം തികയുന്നതിനിടയിൽ റാഞ്ചിയിൽ 17 വയസ്സുകാരി ജീവനൊടുക്കി. തിങ്കളാഴ്ച ഉച്ചയ്ക്കാണ് പെൺകുട്ടിയെ തൂങ്ങിമരിച്ച നിലയിൽ കണ്ടെത്തിയത്. സംഭവത്തിൽ പെൺകുട്ടിയുടെ പ്രായപൂർത്തിയാകാത്ത കാമുകനെ പോലീസ് നേരത്തെ തന്നെ കസ്റ്റഡിയിലെടുത്തിരുന്നു. ഇയാൾ നിലവിൽ ജുവനൈൽ റിമാൻഡ് ഹോമിലാണ്.(Ranchi Minor Girl Suicide Month After Accusing Boyfriend Of Sexual Assault)
പ്രാഥമിക അന്വേഷണത്തിൽ പെൺകുട്ടിയും പ്രതിയും തമ്മിൽ പ്രണയത്തിലായിരുന്നുവെന്ന് വ്യക്തമായതായി സദർ പോലീസ് പറഞ്ഞു. കഴിഞ്ഞ ഏപ്രിൽ 17-ന് പ്രതി പെൺകുട്ടിയെ സ്വന്തം വീട്ടിലേക്ക് കൂട്ടിക്കൊണ്ടുപോയി ലൈംഗികമായി പീഡിപ്പിക്കുകയായിരുന്നു. തുടർന്ന് ഏപ്രിൽ 18-നാണ് ആൺകുട്ടിയെ പോലീസ് കസ്റ്റഡിയിലെടുത്തത്.
ഈ സംഭവത്തിന്റെ മാനസിക വിഷമത്തിലായിരുന്ന പെൺകുട്ടി ഒടുവിൽ ജീവനൊടുക്കുകയായിരുന്നു എന്നാണ് പോലീസിന്റെ പ്രാഥമിക നിഗമനം. സംഭവത്തിൽ പോലീസ് അസ്വാഭാവിക മരണത്തിന് കേസെടുത്ത് തുടർനടപടികൾ ആരംഭിച്ചു.
Story Summary
A 17-year-old girl committed suicide in Ranchi, a month after accusing her 16-year-old boyfriend of sexual assault. The minor boyfriend was detained on April 18 and remains in a remand home. Sadar police are investigating the tragic incident.
