പ്രധാനമന്ത്രി നരേന്ദ്രമോദിയുടെ കച്ചത്തീവ് പരാമർശം; വിമർശനവുമായി ലങ്കൻ മാധ്യമങ്ങൾ
Apr 3, 2024, 19:09 IST
![മോദി വാരാണസിയിൽ; 16 സംസ്ഥാനങ്ങളിലായി 195 സീറ്റുകളിലേക്ക് സ്ഥാനർഥികളെ പ്രഖ്യാപിച്ച് ബിജെപി, കേരളത്തിൽ 12 സീറ്റിലും](https://timeskerala.com/static/c1e/client/91214/uploaded/24e079384f2a6fe4774eec6edb5c85bd.avif)
പ്രധാനമന്ത്രി നരേന്ദ്രമോദിയുടെ കച്ചത്തീവ് പരാമർശത്തെ ലങ്കൻ മാധ്യമങ്ങളുടെ വിമർശനം. എന്നാൽ വിഷയത്തിൽ ഇതുവരെ ലങ്കൻ സർക്കാർ വിഷയത്തിൽ പ്രതികരിച്ചിട്ടില്ല. ഇതിനിടെ വിഷയത്തിൽ കുറച്ചുകൂടി ശക്തമായി പ്രതികരിക്കണമെന്ന് മത്സ്യത്തൊഴിലാളികളുടെ സംഘടനകൾ ആവശ്യം ഉന്നയിച്ചു.
കൊളംബോയിലെ ഇംഗ്ലീഷ് ദിനപത്രം ഡെയ്ലി മിറർ എഡിറ്റോറിയലിലൂടെ പ്രധാനമന്ത്രിക്കും വിദേശകാര്യ മന്ത്രി എസ് ജയശങ്കറിനുമെതിരെ പ്രതികരിച്ചു. തമിഴ്നാട്ടിൽ നിന്ന് കുറച്ച് വോട്ട് ലഭിക്കുന്നതിനായി വംശീയ വികാരങ്ങൾ ഊത്തിക്കത്തിക്കാൻ ജയശങ്കർ ശ്രമിച്ചു എന്ന് എഡിറ്റോറിയലിൽ വിമർശിക്കുന്നു. ശ്രീലങ്കയ്ക്ക് കോൺഗ്രസ് എളുപ്പത്തിൽ കച്ചത്തീവ് വിട്ടുനൽകി എന്ന മോദിയുടെ പരാമർശവും ഇത് ശരിവച്ചുകൊണ്ടുള്ള ഡോ. ജയശങ്കറിൻ്റെ വാർത്താസമ്മേളനവുമാണ് ഡെയ്ലി മിറർ ചൂണ്ടികാട്ടിയത്. ‘വിട്ടുനൽകാൻ കച്ചത്തീവ് ഇന്ത്യയുടേതായിരുന്നില്ല’ എന്നായിരുന്നു എഡിറ്റോറിയലിന്റെ തലക്കെട്ട്.
![](https://timeskerala.com/static/c1e/static/themes/16/91214/3752/images/New-Creative-.png)