ന്യൂഡൽഹി: വനിതാ സംവരണ ബില്ലിനൊപ്പം മണ്ഡല പുനർനിർണയം കൂടി നടപ്പാക്കാനുള്ള നീക്കം പാർലമെന്റിൽ പരാജയപ്പെട്ടതിൽ പ്രതിപക്ഷത്തിനെതിരെ കടുത്ത വിമർശനവുമായി പ്രധാനമന്ത്രി നരേന്ദ്ര മോദി (PM Narendra Modi). രാജ്യത്തെ സ്ത്രീശക്തിയെ പ്രതിപക്ഷം മനഃപൂർവ്വം തടഞ്ഞുനിർത്തിയെന്ന് രാജ്യത്തെ അഭിസംബോധന ചെയ്യവെ മോദി ആരോപിച്ചു.
വനിതാ സംവരണ ഭേദഗതി ബിൽ പരാജയപ്പെട്ടതിൽ രാജ്യത്തെ എല്ലാ സ്ത്രീകൾക്കും ഉണ്ടായ വിഷമത്തിൽ താൻ ക്ഷമ ചോദിക്കുന്നതായി പ്രധാനമന്ത്രി പറഞ്ഞു. “വനിതാ സംവരണ ബിൽ എങ്ങനെയാണ് പ്രതിപക്ഷം അട്ടിമറിച്ചതെന്ന് രാജ്യം കണ്ടു. കോൺഗ്രസ്, ഡിഎംകെ, ടിഎംസി, എസ്പി തുടങ്ങിയ കക്ഷികൾ ബിൽ തടഞ്ഞത് ആഘോഷമാക്കുകയാണ്. ബിൽ പരാജയപ്പെട്ടപ്പോൾ കൈയടിച്ച പ്രതിപക്ഷത്തിന്റെ നടപടി സ്ത്രീകളുടെ അഭിമാനത്തെ തകർക്കുന്നതാണ്,” മോദി പറഞ്ഞു.
പ്രതിപക്ഷത്തിന്റെ സ്വാർത്ഥതയും രാഷ്ട്രീയ താൽപ്പര്യവുമാണ് ബില്ലിന്റെ പരാജയത്തിന് പിന്നിലെന്ന് പ്രധാനമന്ത്രി കുറ്റപ്പെടുത്തി. കുടുംബാധിപത്യമുള്ള പാർട്ടികൾ രാജ്യത്തെ സ്ത്രീകളുടെ പുരോഗതിക്ക് തടസ്സം നിൽക്കുകയാണ്. ചിലർക്ക് രാജ്യത്തെ അമ്മമാരേക്കാൾ വലുത് രാഷ്ട്രീയമാണെന്നും സത്യസന്ധമായ ശ്രമങ്ങളെ പ്രതിപക്ഷം ഇല്ലാതാക്കിയെന്നും അദ്ദേഹം കൂട്ടിച്ചേർത്തു. ഈ പ്രവൃത്തിക്ക് രാജ്യത്തെ സ്ത്രീകൾ ഒരിക്കലും പൊറുക്കില്ലെന്നും പ്രധാനമന്ത്രി മുന്നറിയിപ്പ് നൽകി.
Story Summary: PM Narendra Modi slammed the opposition for blocking the Women’s Reservation Amendment Bill in Parliament, calling it a blow to India’s “Nari Shakti.” Apologizing to the nation’s women, the PM accused parties like Congress, DMK, and TMC of prioritizing dynastic politics over gender equality.
