ന്യൂഡൽഹി: രാജ്യത്തെ ലക്ഷക്കണക്കിന് വിദ്യാർത്ഥികൾ എഴുതിയ 2026-ലെ നീറ്റ്-യുജി പരീക്ഷയുടെ ചോദ്യപേപ്പർ ചോർച്ചയുമായി ബന്ധപ്പെട്ട അന്വേഷണം സുപ്രീം കോടതി നേരിട്ട് നിരീക്ഷിക്കും (NEET Paper Leak Case Supreme Court Hearing). മെഡിക്കൽ പ്രവേശന പരീക്ഷയിലെ ക്രമക്കേടുകൾ യുവാക്കൾക്ക് വലിയ മാനസികാഘാതമാണ് സൃഷ്ടിച്ചതെന്നും ഭാവി തലമുറയെ ഇത്തരത്തിൽ നിരാശപ്പെടുത്താൻ അനുവദിക്കില്ലെന്നും വെള്ളിയാഴ്ച കേസ് പരിഗണിക്കവെ സുപ്രീം കോടതി കേന്ദ്ര സർക്കാരിനോട് വ്യക്തമാക്കി.
പരീക്ഷകൾ നടത്തുന്നതിൽ മുൻകാല വീഴ്ചകളിൽ നിന്ന് പാഠം ഉൾക്കൊള്ളാൻ നാഷണൽ ടെസ്റ്റിംഗ് ഏജൻസി തയ്യാറായിട്ടില്ലെന്ന് കഴിഞ്ഞ ആഴ്ചയും കോടതി കഠിനമായി വിമർശിച്ചിരുന്നു. വിദ്യാർത്ഥികളുടെ ആശങ്കകൾ പരിഹരിക്കുന്നതിനായി അന്വേഷണ പുരോഗതി കൃത്യമായ ഇടവേളകളിൽ വിലയിരുത്താനാണ് കോടതിയുടെ തീരുമാനം.
Summary: The Supreme Court of India announced on Friday that it will closely monitor the ongoing investigation into the 2026 NEET-UG question paper leak case. Expressing deep concern, the top court stated that the incident has been traumatic for the youth and emphasized that the government cannot disappoint youngsters in this manner. This development follows the court’s recent criticism of the National Testing Agency (NTA) for failing to learn from past exam security lapses.
