മുംബൈ: നന്ദിഗ്രാം എക്സ്പ്രസിലെ ഫസ്റ്റ് ക്ലാസ് എസി കൂപ്പെ റെയിൽവേ സുരക്ഷാ മാനദണ്ഡങ്ങൾ ലംഘിച്ച് നവദമ്പതികൾക്കായി അലങ്കരിച്ച സംഭവത്തിൽ കർശന നടപടിയുമായി ഇന്ത്യൻ റെയിൽവേ. സുരക്ഷാവീഴ്ചയുടെ പേരിൽ ട്രെയിനിൽ ഡ്യൂട്ടിയിലുണ്ടായിരുന്ന ചീഫ് ടിക്കറ്റ് ഇൻസ്പെക്ടർ ഗിരീഷ് കുമാറിനെ റെയിൽവേ അടിയന്തരമായി സസ്പെൻഡ് ചെയ്തു.(Nandigram Express First AC Coupe Turned Honeymoon Suite Railways Suspends CTI Orders Probe)
What’s happening here 🥺😭🥺😭🥺😭 pic.twitter.com/PGW1TqmyWc
— Godman Chikna (@Madan_Chikna) July 7, 2026
ഇതിനുപുറമെ, അനുമതിയില്ലാതെ കോച്ചിൽ പ്രവേശിച്ച് അലങ്കാരപ്പണികൾ നടത്തിയ ഡെക്കറേഷൻ കമ്പനിക്കെതിരെ റെയിൽവേ ആക്ട് പ്രകാരം കേസെടുക്കുകയും ചെയ്തു. ട്രെയിൻ നമ്പർ 11002 നന്ദിഗ്രാം എക്സ്പ്രസിലെ ഫസ്റ്റ് എസി കൂപ്പെ പൂക്കളും ബലൂണുകളും റോസാദളങ്ങളും ഉപയോഗിച്ച് ‘ഹണിമൂൺ സ്യൂട്ട്’ മാതൃകയിൽ മനോഹരമായി അലങ്കരിച്ചതിന്റെ വീഡിയോ സോഷ്യൽ മീഡിയയിൽ വ്യാപകമായി പ്രചരിച്ചിരുന്നു. ചുവപ്പും വെള്ളയും കലർന്ന ബലൂണുകൾ, ഹൃദയാകൃതിയിലുള്ള അലങ്കാരങ്ങൾ, ലൈറ്റുകൾ എന്നിവയ്ക്കൊപ്പം ഭിത്തിയിൽ ‘ഐ ലവ് യു’ എന്ന സന്ദേശവും എഴുതിവെച്ചിരുന്നു.
അലങ്കാരപ്പണികൾ നടത്തിയ ഇവന്റ് മാനേജ്മെന്റ് കമ്പനി തന്നെയാണ് ഈ ദൃശ്യങ്ങൾ ഇൻസ്റ്റാഗ്രാമിൽ പങ്കുവെച്ചത്. ഇത് ശ്രദ്ധയിൽപ്പെട്ടതോടെയാണ് റെയിൽവേ അന്വേഷണം പ്രഖ്യാപിച്ചത്. റെയിൽവേ അധികൃതർ വ്യക്തമാക്കുന്നതനുസരിച്ച്, ജൂലൈ 6-നായിരുന്നു സംഭവം. ട്രെയിനിൽ യാത്ര ചെയ്യുകയായിരുന്ന ദമ്പതികൾ ഓൺലൈൻ വഴിയാണ് ഒരു പ്രൈവറ്റ് ഡെക്കറേഷൻ ടീമിനെ ഇതിനായി വാടകയ്ക്കെടുത്തത്. തുടർന്ന് മഹാരാഷ്ട്രയിലെ ജാൽന റെയിൽവേ സ്റ്റേഷനിൽ വെച്ച് റെയിൽവേയുടെ യാതൊരുവിധ മുൻകൂർ അനുമതിയും വാങ്ങാതെ ഈ സംഘം ഫസ്റ്റ് എസി കോച്ചിലേക്ക് അതിക്രമിച്ചു കയറുകയായിരുന്നു. ട്രെയിൻ പുറപ്പെടുന്നതിന് മുൻപ് ഇവർ കൂപ്പെ അലങ്കരിച്ച് സ്ഥലം വിടുകയും ചെയ്തു.
സംഭവം ഗുരുതരമായ സുരക്ഷാവീഴ്ചയാണെന്ന് ദക്ഷിണ മധ്യ റെയിൽവേ വിലയിരുത്തി. റിസർവ് ചെയ്ത ഫസ്റ്റ് എസി കോച്ചിലേക്ക് ടിക്കറ്റില്ലാത്ത പുറത്തുനിന്നുള്ള ആളുകളെ പ്രവേശിക്കാൻ അനുവദിച്ചതിനാണ് ചീഫ് ടിക്കറ്റ് ഇൻസ്പെക്ടറെ സസ്പെൻഡ് ചെയ്തത്. റെയിൽവേ സ്വത്തിൽ അതിക്രമിച്ചു കയറൽ, ടിക്കറ്റില്ലാത്ത യാത്ര, അനുമതിയില്ലാത്ത പ്രവൃത്തികൾ എന്നീ കുറ്റങ്ങൾ ചുമത്തിയാണ് ഡെക്കറേറ്റർക്കെതിരെ കേസെടുത്തിരിക്കുന്നത്. ട്രെയിനുകളിൽ ഇത്തരം സ്വകാര്യ ആഘോഷങ്ങൾക്കായി സുരക്ഷാ സംവിധാനങ്ങൾ മറികടക്കുന്നത് തടയാൻ വരും ദിവസങ്ങളിൽ പരിശോധന ശക്തമാക്കുമെന്നും റെയിൽവേ അറിയിച്ചു.
Story Summary
Indian Railways has suspended Chief Ticket Inspector Girish Kumar and booked a private decorator after a video of a First AC coupe on the Nandigram Express decorated like a ‘honeymoon suite’ went viral. The unauthorized entry of the decoration team at Jalna station on July 6 has been treated as a serious security lapse, prompting a detailed departmental inquiry by the South Central Railway.
