മഹാരാഷ്ട്ര മന്ത്രിക്ക് മാവോയിസ്റ്റ് ഭീഷണി; ലഘുലേഖകൾ ലഭിച്ചു
Sep 20, 2023, 07:17 IST
![മഹാരാഷ്ട്ര മന്ത്രിക്ക് മാവോയിസ്റ്റ് ഭീഷണി; ലഘുലേഖകൾ ലഭിച്ചു](https://timeskerala.com/static/c1e/client/91214/uploaded/c21f72df95d91ffaf050fafc6ca3e3a4.jpg)
മുംബൈ: മഹാരാഷ്ട്ര മന്ത്രിക്ക് മാവോയിസ്റ്റുകളുടെ ഭീഷണി. ഭക്ഷ്യ-മരുന്ന് മന്ത്രി ധർമ റാവു ബാബ അത്രാമിനു നേരെയാണ് ഭീഷണി ലഘുലേഖകൾ ലഭിച്ചത്. നക്സൽ ബാധിത ജില്ലയായ അഹേരിയിൽ നിന്നുള്ള എംഎൽഎയാണ് ധർമ റാവു ബാബ അത്രം. കിഴക്കൻ മഹാരാഷ്ട്രയിലെ ഗഡ്ചിരോളി ജില്ലയിൽ നിന്നാണ് ലഘുലേഖകൾ കണ്ടെത്തിയത്.
![](https://timeskerala.com/static/c1e/static/themes/16/91214/3752/images/New-Creative-.png)
ധർമ റാവുവും അദ്ദേഹത്തിന്റെ ബന്ധുവും സുർജഗഡ് സ്റ്റീൽ പദ്ധതിയുടെ "ഏജന്റ്" ആണെന്ന് ലഘുലേഖകളിൽ പറയുന്നു. അവർക്കെതിരെ പ്രതിഷേധിക്കാൻ ജനങ്ങളോട് ലഘുലേഖയിൽ ആവശ്യപ്പെടുകയും ചെയ്യുന്നുണ്ട്. കൂടാതെ ജനവിരുദ്ധ പ്രവർത്തനം അവസാനിപ്പിക്കണമെന്ന് മന്ത്രിക്ക് മുന്നറിയിപ്പും നൽകി.