ബെംഗളൂരു: ഇന്ധനവില വർധനവിന്റെ പശ്ചാത്തലത്തിൽ സംസ്ഥാനത്ത് ബസ് ചാർജ് വർധിപ്പിക്കുന്നത് സർക്കാരിന്റെ പരിഗണനയിലാണെന്ന് കർണാടക മുഖ്യമന്ത്രി ഡി.കെ. ശിവകുമാർ വ്യക്തമാക്കി. എന്നാൽ, ബസ് ചാർജ് വർധന സംബന്ധിച്ച അന്തിമ തീരുമാനം ജനങ്ങളുടെ താല്പര്യങ്ങൾ പൂർണ്ണമായി സംരക്ഷിച്ചുകൊണ്ട് മാത്രമേ കൈക്കൊള്ളുകയുള്ളൂവെന്നും അദ്ദേഹം പറഞ്ഞു.( Karnataka government considers bus fare hike amid rising fuel prices)
മന്ത്രിസഭാ യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. “സ്വകാര്യ ഡിപ്പോകളിലെയും കോർപ്പറേഷൻ ഡിപ്പോകളിലെയും ഡീസൽ വിലയിൽ ഏകദേശം 40 രൂപയുടെ വ്യത്യാസമുണ്ട്. ഇത് ഞെട്ടിപ്പിക്കുന്നതാണ്. ഡീസൽ വില വർധിച്ചാൽ ടിക്കറ്റ് നിരക്കിലും വർധനവ് വരുത്തണമെന്ന് നേരത്തെ തീരുമാനിച്ചിരുന്നു. ഈ നയം വീണ്ടും പരിശോധിക്കേണ്ടതുണ്ട്,” മുഖ്യമന്ത്രി പറഞ്ഞു.
സംസ്ഥാന സർക്കാർ നടപ്പിലാക്കുന്ന ‘ശക്തി’ പദ്ധതി പ്രകാരം സ്ത്രീകൾക്ക് സൗജന്യ ബസ് യാത്രയും, വിദ്യാർത്ഥികൾക്ക് സൗജന്യ ബസ് പാസുകളും നൽകുന്നുണ്ട്. ഇന്ധനവില വർധനവും ഇത്തരം ക്ഷേമപദ്ധതികളും കർണാടക സ്റ്റേറ്റ് ട്രാൻസ്പോർട്ട് കോർപ്പറേഷന് (കെഎസ്ആർടിസി) കടുത്ത സാമ്പത്തിക ബാധ്യതയാണ് ഉണ്ടാക്കുന്നത്. കെഎസ്ആർടിസിയുടെ നിലനിൽപ്പിനും ജനങ്ങൾക്ക് ഉപകാരപ്രദമായ രീതിയിലും വേണം ചാർജ് വർധന സംബന്ധിച്ച തീരുമാനമെടുക്കാൻ. പൊതുഗതാഗതം പ്രോത്സാഹിപ്പിക്കണമെന്ന പ്രധാനമന്ത്രിയുടെ നിർദ്ദേശം കൂടി കണക്കിലെടുത്തായിരിക്കും സർക്കാർ അന്തിമ തീരുമാനത്തിലെത്തുകയെന്നും അദ്ദേഹം കൂട്ടിച്ചേർത്തു.
Story Summary
Karnataka Chief Minister D. K. Shivakumar has indicated that the state government is considering a hike in bus fares due to rising fuel costs, which have placed significant financial strain on the KSRTC. While acknowledging the need for a review, he emphasized that any decision regarding a fare increase will be taken with the public’s best interests in mind, balancing the sustainability of the transport corporation with the welfare of the people.
