കർണാടകയിലെ ധാർവാഡിലെ ഫ്ലാറ്റിൽ അസ്ഥിരോഗ വിദഗ്ദ്ധനായ ഡോ. കിരൺ ഹൊന്നന്നാവറിനെ (45) മരിച്ച നിലയിൽ കണ്ടെത്തി. സംഭവത്തിൽ അദ്ദേഹത്തിന്റെ എട്ടു വയസ്സുകാരനായ മകന് ഗുരുതരമായി കുത്തേറ്റു. സംഭവത്തിൽ ഭാര്യയും നേത്രരോഗ വിദഗ്ദ്ധയുമായ ഡോ. പ്രിയങ്കയെ പോലീസ് കസ്റ്റഡിയിലെടുത്ത് ചോദ്യം ചെയ്തുവരികയാണ്. (Karnataka Doctor Murder)
സുരക്ഷിതമായ അപ്പാർട്ട്മെന്റ് സമുച്ചയത്തിലാണ് കുടുംബം താമസിച്ചിരുന്നത്. സംഭവസമയത്ത് ഇവർ മൂന്നുപേർ മാത്രമാണ് വീട്ടിലുണ്ടായിരുന്നതെന്ന് പ്രാഥമിക അന്വേഷണത്തിൽ വ്യക്തമായതായി ഹുബ്ബള്ളി-ധാർവാഡ് പോലീസ് കമ്മീഷണർ എൻ. ശശികുമാർ അറിയിച്ചു. ബന്ധുക്കൾ പലതവണ വിളിച്ചിട്ടും കിരണിനെ കിട്ടാത്തതിനെത്തുടർന്ന് നടത്തിയ അന്വേഷണത്തിലാണ് സംഭവം പുറത്തറിയുന്നത്. തുടർന്ന് ഫ്ലാറ്റിൽ എത്തിയ ബന്ധുക്കൾ ഇദ്ദേഹത്തെ രക്തത്തിൽ കുളിച്ച നിലയിലും, ഗുരുതരമായി പരിക്കേറ്റ മകനെയും കണ്ടെത്തുകയായിരുന്നു.
സംഭവത്തിന് ശേഷം ഡോ. പ്രിയങ്ക അസ്വാഭാവികവും പരസ്പരവിരുദ്ധവുമായ കാര്യങ്ങളാണ് പറയുന്നതെന്ന് പോലീസ് അറിയിച്ചു. ഇവർ മാനസികമായി ആകെ തകർന്നിരിക്കുന്ന അവസ്ഥയിലാണ്. അതേസമയം, അയൽക്കാരുമായി കുടുംബത്തിന് പ്രശ്നങ്ങളൊന്നും ഉണ്ടായിരുന്നില്ലെന്നും പോലീസ് വ്യക്തമാക്കി. സംഭവത്തിൽ വിശദമായ അന്വേഷണം നടക്കുകയാണെന്നും പോസ്റ്റ്മോർട്ടം റിപ്പോർട്ട് ലഭിച്ചാലേ കൊലപാതകത്തിന്റെ യഥാർത്ഥ കാരണം വ്യക്തമാകൂ എന്നും അധികൃതർ കൂട്ടിച്ചേർത്തു. കുട്ടി നിലവിൽ സ്വകാര്യ ആശുപത്രിയിൽ ചികിത്സയിലാണ്.
Summary: A 45-year-old anesthesiologist, Dr. Kiran Honannavar, was found dead in his Dharwad apartment, while his eight-year-old son was discovered with stab injuries. His wife, Dr. Priyanka, has been taken into custody for questioning, as police investigate the incident, which is believed to have stemmed from a domestic dispute.
