ചെന്നൈ: ബിജെപിയിൽ നിന്ന് രാജിവെച്ചതിന് പിന്നാലെ, തമിഴ്നാട് രാഷ്ട്രീയത്തിൽ പുതിയൊരു മാറ്റത്തിന് തുടക്കം കുറിക്കുമെന്ന് പാർട്ടി മുൻ സംസ്ഥാന അധ്യക്ഷൻ കെ. അണ്ണാമലൈ. ‘രാഷ്ട്രീയത്തിൽ പുതിയൊരു പ്രസ്ഥാനവും പുതിയൊരു മാനവും’ ഉടൻ തന്നെ രൂപം കൊള്ളുമെന്ന് അദ്ദേഹം വ്യക്തമാക്കി. ബിജെപിയിലെ തന്റെ ആറു വർഷത്തെ സേവനം വലിയൊരു പഠനാനുഭവമായിരുന്നുവെന്ന് പറഞ്ഞ അദ്ദേഹം, പാർട്ടിക്ക് നന്ദി അറിയിക്കുകയും ചെയ്തു.(K Annamalai Announces New Political Movement After Resigning From BJP)
വ്യക്തികളെ മാത്രം കേന്ദ്രീകരിക്കുന്ന രാഷ്ട്രീയ സംസ്കാരത്തിൽ നിന്ന് മാറി, ‘സാധാരണക്കാരന്റെ രാഷ്ട്രീയം’ ഉയർത്തിപ്പിടിക്കുന്ന ഒരു പ്രസ്ഥാനമാണ് തന്റെ ലക്ഷ്യമെന്ന് അദ്ദേഹം പറഞ്ഞു. അടുത്ത പൊതുതെരഞ്ഞെടുപ്പിൽ താൻ സ്വതന്ത്രനായി മത്സരിക്കുമെന്ന് അണ്ണാമലൈ പ്രഖ്യാപിച്ചു.
തമിഴ് സംസ്കാരത്തിന് അനുയോജ്യമായ രീതിയിൽ വളരെ മാന്യമായാണ് താൻ പാർട്ടി വിടുന്നതെന്ന് അദ്ദേഹം വ്യക്തമാക്കി. എല്ലാവരെയും ഉൾക്കൊള്ളിച്ചുകൊണ്ടുള്ള ഒരു രാഷ്ട്രീയ കൂട്ടായ്മയാണ് തന്റെ സ്വപ്നമെന്നും അദ്ദേഹം കൂട്ടിച്ചേർത്തു. തമിഴ്നാട്ടിലെ രാഷ്ട്രീയ കാലാവസ്ഥയിൽ വലിയ മാറ്റങ്ങൾക്ക് വഴിവെക്കുന്ന നീക്കമാണ് കെ. അണ്ണാമലൈയുടേത്.
Story Summary
Former Tamil Nadu BJP chief K. Annamalai has officially announced his departure from the party, signaling the beginning of a new, youth-centric political movement. Emphasizing a shift away from personality-driven politics toward “common-man politics,” Annamalai declared his intent to contest the next general elections as an independent candidate. He described his exit as amicable and rooted in the need for a new dimension in Tamil Nadu’s political landscape.
