ഗാന്ധിനഗർ: ഗുജറാത്തിലെ മധ്യ-ഉത്തര ജില്ലകളിൽ അതിശക്തമായ മഴ തുടരുന്ന സാഹചര്യത്തിൽ കേന്ദ്ര കാലാവസ്ഥാ വകുപ്പ് റെഡ് അലർട്ട് പ്രഖ്യാപിച്ചു. തെക്കൻ ഗുജറാത്തിലെ വൽസാദ്, നവ്സാരി ജില്ലകളിൽ കഴിഞ്ഞ ദിവസങ്ങളിൽ കനത്ത മഴ പെയ്തതിന് പിന്നാലെയാണ് ഇപ്പോൾ പഞ്ചമഹൽ, ദാഹോദ്, മഹിസാഗർ എന്നീ ജില്ലകളിൽ വെള്ളി വരെ റെഡ് അലർട്ട് ഏർപ്പെടുത്തിയത്.(Gujarat Heavy Rain, IMD Issues Red Alert For Heavy Rain In Gujarat)
വ്യാഴാഴ്ച രാവിലെ വൽസാദിലെ ഉംബർഗാവനിൽ രണ്ട് മണിക്കൂറിനുള്ളിൽ 7.2 ഇഞ്ച് മഴയാണ് രേഖപ്പെടുത്തിയത്. സൂറത്തിലെ ഉമർപാഡയിലും ശക്തമായ മഴ ലഭിച്ചു. അഹമ്മദാബാദ്, ആനന്ദ്, അമ്രേലി, ഭാവ്നഗർ, ഗിർ സോമനാഥ്, ബോടാദ് എന്നീ ജില്ലകളിൽ ജൂലൈ 26 വരെ കനത്ത മഴ തുടരുമെന്നാണ് കാലാവസ്ഥാ പ്രവചനം. ഗാന്ധിനഗർ, വഡോദര, നവ്സാരി തുടങ്ങിയ ജില്ലകളിൽ ഓറഞ്ച് അലർട്ടും പ്രഖ്യാപിച്ചിട്ടുണ്ട്.
കനത്ത മഴയെ തുടർന്ന് റെയിൽവേ ട്രാക്കുകളിൽ വെള്ളക്കെട്ട് രൂപപ്പെട്ടത് മൂലം ഗുജറാത്തിലൂടെ കടന്നുപോകുന്ന നിരവധി ട്രെയിനുകൾ വൈകി ഓടുകയാണ്. മഹാരാഷ്ട്ര അതിർത്തിയോട് ചേർന്നുള്ള ഡാങ് ജില്ലയിൽ 47 ഗ്രാമീണ റോഡുകൾ ഗതാഗതത്തിനായി അടച്ചുപൂട്ടി. റോഡുകളിലെ തടസ്സങ്ങൾ നീക്കാനും സുരക്ഷ ഉറപ്പാക്കാനും ജില്ലാ ഭരണകൂടം കർശന നടപടികൾ സ്വീകരിച്ചുവരികയാണ്.
Story Summary
The India Meteorological Department (IMD) issued a red alert for extremely heavy rainfall in Gujarat’s Panchmahal, Dahod, and Mahisagar districts until Friday. Torrential rains hit several areas, including Valsad and Surat, disrupting train services and leading to the closure of 47 roads in the Dang district.
