ന്യൂഡൽഹി: കേരള തീരത്തിന് സമീപം തീപിടിച്ച് സ്ഫോടനമുണ്ടായ ചരക്കുകപ്പലിൽ നിന്ന് 12 ചൈനീസ് ജീവനക്കാരെ രക്ഷപ്പെടുത്തിയ ഇന്ത്യൻ സായുധ സേനയ്ക്ക് നന്ദി അറിയിച്ച് ചൈന. ചൈനീസ് പീപ്പിൾസ് ലിബറേഷൻ ആർമിയുടെ 99-ാം വാർഷികാഘോഷ ചടങ്ങിൽ സംസാരിക്കവെയാണ് ഇന്ത്യയിലെ ചൈനീസ് ഡിഫൻസ് അറ്റാഷേയായ റിയർ അഡ്മിറൽ യൂ ജിയാൻ ഇന്ത്യൻ സേനയുടെ സേവനത്തെ പരസ്യമായി സ്മരിക്കുകയും നന്ദി അറിയിക്കുകയും ചെയ്തത്.(China Thanks Indian Military For Rescuing Chinese Crew Off Kerala Coast)
ഇരുരാജ്യങ്ങളും തമ്മിലുള്ള ബന്ധം കൂടുതൽ സുഗമമാകുന്ന പശ്ചാത്തലത്തിൽ, സൈനിക തലത്തിലുള്ള വാർത്താവിനിമയവും സഹകരണവും വർദ്ധിപ്പിക്കേണ്ടതിന്റെ ആവശ്യകതയും അദ്ദേഹം എടുത്തുപറഞ്ഞു. കഴിഞ്ഞ ജൂണിൽ കേരള തീരത്ത് തീപിടിച്ച് സ്ഫോടനമുണ്ടായ ചരക്കുകപ്പലിൽ നിന്ന് 12 ചൈനീസ് ജീവനക്കാരെ ഇന്ത്യൻ സൈന്യം രക്ഷിച്ചത് ഞങ്ങൾ ഒരിക്കലും മറക്കില്ല. ഐക്യരാഷ്ട്രസഭയുടെ (UN) സമാധാന സംരക്ഷന ദൗത്യങ്ങളിൽ ഇന്ത്യയുടെയും ചൈനയുടെയും സൈന്യങ്ങൾ വലിയ സംഭാവനകളും ത്യാഗങ്ങളുമാണ് നൽകിയിട്ടുള്ളത്. ഇരുരാജ്യങ്ങളും തമ്മിലുള്ള വ്യത്യാസങ്ങളേക്കാൾ വലുതാണ് പൊതുവായ താൽപ്പര്യങ്ങൾ.
പ്രധാനമന്ത്രി നരേന്ദ്ര മോദിയും ചൈനീസ് പ്രസിഡന്റ് ഷി ജിൻപിംഗും തമ്മിൽ നടന്ന കൂടിക്കാഴ്ചകളുടെ തുടർച്ചയായി, ഇന്ത്യ-ചൈന ബന്ധം തിരികെ ശരിയായ വികസന പാതയിലേക്ക് എത്തിച്ചേർന്നതിൽ സന്തോഷമുണ്ട്. നയതന്ത്ര-സൈനിക ചാനലുകളിലൂടെ ഇന്ത്യയുമായി കൂടുതൽ ആഴത്തിലുള്ള ആശയവിനിമയം നടത്താനും പരസ്പര വിശ്വാസം വളർത്താനും ചൈന സന്നദ്ധമാണെന്ന് വ്യക്തമാക്കിക്കൊണ്ടാണ് അദ്ദേഹം തന്റെ വാക്കുകൾ അവസാനിപ്പിച്ചത്.
Story Summary
Speaking at the 99th anniversary of the PLA, Chinese Defence Attache to India, Rear Admiral You Jian, thanked the Indian Military for rescuing 12 Chinese crew members off the coast of Kerala last year. He highlighted the improving ties between India and China and called for deeper diplomatic and military cooperation between the two nations.
