ലോക്സഭാ തെരഞ്ഞെടുപ്പിൽ ബിജെപി 370 മണ്ഡലങ്ങളിൽ വിജയിക്കും: മോദി
Updated: Feb 11, 2024, 20:49 IST
ഭോപ്പാൽ: ലോക്സഭാ തെരഞ്ഞെടുപ്പിൽ ബിജെപിക്ക് ഒറ്റയ്ക്ക് 370ലധികം സീറ്റുകൾ ലഭിക്കുമെന്ന് പ്രധാനമന്ത്രി നരേന്ദ്ര മോദി. എൻഡിഎയ്ക്ക് നാനൂറ് സീറ്റ് ലഭിക്കുമെന്ന് പ്രതിപക്ഷ നേതാക്കൾ പോലും പറയുന്നുണ്ടെന്നും അദ്ദേഹം പറഞ്ഞു. മധ്യപ്രദേശിൽ 7,550 കോടി രൂപയുടെ വികസന പദ്ധതികളുടെ ഉദ്ഘാടനം നിർവഹിച്ച് പ്രസംഗിക്കുകയായിരുന്നു അദ്ദേഹം.
കഴിഞ്ഞ തെരഞ്ഞെടുപ്പിനെ അപേക്ഷിച്ച് ഓരോ ബൂത്തിലും 370 വോട്ടുകൾ അധികമായി പോൾ ചെയ്യുന്നുവെന്ന് ബിജെപി പ്രവർത്തകർ ഉറപ്പാക്കണമെന്നും. അങ്ങനെ ലക്ഷ്യം കൈവരിക്കാനാകുമെന്നും മധ്യപ്രദേശിലെ പൊതുസമ്മേളനത്തിൽ നരേന്ദ്ര മോദി പറഞ്ഞു.